1-15 mamyr aralyǵynda Kashıas-dý-Sýl qalasynda (Brazılıa) XXIV jazǵy Sýrdlımpıada oıyndary (estý qabileti buzylǵan adamdardyń sporttyq jarystary) ótti.
Jǵan álemniń 100 elinen 4500-den astam sportshy qatysty, dep habarlaıdy Almaty-akshamy.kz
Qazaqstan quramasynyń quramyna Almaty qalasy sport basqarmasy janyndaǵy múmkindigi shekteýli jandarǵa arnalǵan «Almaty» sport klýbynyń 12 sportshysy endi.
Oıyn qorytyndysy boıynsha almatylyqtar QR quramasynyń qorjynyn túrli deńgeıdegi 11 medalmen tolyqtyrdy, onyń ishinde dzúdo, grek-rım kúresi, erkin kúres jáne jeńil atletıka sıaqty tórt sport túri boıynsha 2 altyn, 2 kúmis jáne 7 qola medal.
Táýelsiz Qazaqstan tarıhynda alǵash ret bir Sýrdlımpıadada 2 altyn medaldi almatylyq balýan Haırathaan Shonký (130 kg) jeke-jeke grek-rım jáne erkin stılde jeńip aldy. Ekinshi fınalıst Asyljan Tájıev (97 kg) boldy, ol Sýrdlımpıada oıyndarynyń kúmis júldesin jeńip aldy. Eki sportshy da bapker Erlan Muqajannyń shákirtteri.
Dzúdoshylar arasynda jeke esepte Áldibek Nurmuhamed (kúmis) jáne Shaıahmet Kanapıanov (qola) kózge tústi. Komandalyq esepte erler komandasy (Áldibek Nurmuhamed, Shaıahmet Kanapıanov, Asqat Adambaev, Ermek Jánibekuly)4 qola jáne áıelder komandalyq jarysynda 1 qola (Ásel Maqsutova) medaldardy jeńip aldy. Dzúdoshylar komandasy tolyq quramda Samat Apakovtyń shákirtteri.
Jeńil atletıka jarystarynda Beısebaı Raýan erekshe kózge túsip, altynshy sekirýden qola medalǵa ıe boldy. Jattyqtyrýshy Elena Ponomareva.
Eske salsaq, Sýrdlımpıadalyq sport Olımpıadalyq jáne paralımpıadalyq sport túrlerine teńestirilgen. Jeńimpazdarǵa aqshalaı syılyqtar beriledi: 1 oryn – 250 000 AQSH dollary, 2 oryn – 150 000 AQSH dollary, 3 oryn – 75 000 AQSH dollary.
Jalpy medaldik esepte Qazaqstan qatysýshy elder arasynda 13-shi orynǵa ıe boldy.
