Baıqaýǵa júzden asa mýzykant qatysty.
Jambyl atyndaǵy Qazaq memlekettik fılarmonıasynyń aǵashty-úrmeli aspaptar kvınteti Ispanıada ótken «Open Spain» («Ashyq Ispanıa») halyqaralyq baıqaýynan birinshi oryndy ıelendi, dep habarlaıdy Almaty-akshamy.kz Turkystan.kz silteme jasap.
Ispanıanyń Lloret de Mar qalasynda ótken baıqaýǵa álemniń 30-ǵa jýyq elinen júzden asa mýzykant qatysty. Jylda dástúrli túrde ótkizilip, álemniń túkpir túkpirinen kelgen talanttardyń basyn qosatyn «Open Spain» – aspaptyq oryndaýshylardyń ashyq halyqaralyq baıqaýy.
Atalmysh baıqaýǵa Ispanıanyń Fiestalonia Milenio festıvál komıteti, Sant Roma shirkeýi, Jırona konservatorıasy, Lloret de Mar qalasynyń merıasy, bas keńsesi Londonda ornalasqan Fiestalonia International daryndy oryndaýshylardyń prodúserlik ortalyǵy qoldaý kórsetedi.
Aıta ketý kerek, aǵashty-úrmeli aspaptar kvınteti Qazaqstannyń eńbek sińirgen qaıratkeri, halyqaralyq konkýrstardyń laýreaty, V.A. Mosart atyndaǵy Eýropalyq mýzyka akademıasynyń túlegi, klarnetshi – Janat Ermanovtyń basshylyǵymen 1997 jyly quryldy.