Otanǵa degen súıispenshilik
Almaty oblysy PD bastyǵy ishki ister organdarynyń qurmetti ardagerin 100 jyldyq mereıtoıymen quttyqtady, dep habarlaıdy Almaty-akshamy.kz.
Búgin UOS qatysýshysy, ishki ister organdarynyń qurmetti ardageri, qazir Almaty oblysynyń İle aýdanynda turatyn otstavkadaǵy mılısıa polkovnıgi Táńirbergen Tolǵanbaevty 100 jyldyq mereıtoıymen Almaty oblysy PD bastyǵy quttyqtady.
«QR İshki ister mınıstri Marat Ahmetjanovtyń atynan mereıtoı ıesine qurmet gramotasyn tabystap, jyly lebizimiz ben aqjarma tilekterimizdi jetkizdik. Atalǵan is-sharalar biz úshin, óskeleń urpaq úshin naǵyz batyldyq pen erliktiń kórinisi, Otanǵa degen súıispenshiliktiń belgisi ekenin atap ótkim keledi», - dedi Almaty oblysy PD bastyǵy Baýyrjan Álenov.
Táńirbergen Tolǵanbaev 1923 jyly 1 mamyrda Taldyqorǵan oblysy Aqsý aýdanynda dúnıege kelgen. 1942 jyly mamyrda Keńes Armıasynyń qataryna shaqyrylǵan.
1951 jyly İshki ister organdaryndaǵy qyzmetin bastap, 1975 jylǵa deıin ártúrli laýazymdarda jumys atqarǵan.
Sońǵy laýazymy: Almaty oblysy Jambyl aýdanynyń ishki ister bóliminiń bastyǵy.