Búgin óńirlik komýnıkasıalar qyzmetinde «Mıss Qazaqstan 2023» baıqaýynyń jeńimpazy Sabına Ydyrysovanyń qatysýymen baspasóz máslıhaty ótti. Sabına erteń Úndistanǵa jol tartyp, sonda ótetin «Miss World 2025» baıqaýynyń aqtyq saıysynda Qazaqstan atynan baq synamaq, dep habarlaıdy aqshamnews.kz
Buǵan deıin elimizde ótken sulýlyq baıqaýynda jeńiske jetken Sabına aldaǵy saparyna qalaı daıyndalyp jatqanyn jáne baıqaý týraly óz oıymen bólisti. Onyń aıtýynsha, «Miss World 2025» baıqaýyna qatysý tek ataq úshin ǵana emes, sonymen qatar Qazaqstannyń mádenıetin, sulýlyǵyn, zıatkerlik áleýeti men tarıhyn álemge tanytýdyń biregeı múmkindigi.
– Maǵan úlken jaýapkershilik júktelgenin sezinip otyrmyn. Bul baıqaýǵa jaı baryp qatysyp qaıtý emes, eki el arasyndaǵy dáneker, altyn kópir bolý dep túsinemin. Qazaqstandy qalaı jaqsy kórsem, álem de elimdi solaı tanyp, jaqsy kórse eken deımin, – dedi Sabına.
Birneshe aıǵa sozylǵan daıyndyq barysynda Sabına Ydyrysova Keın Kerısh, Aq Bulaq jáne Altyn Emel tabıǵı aımaqtarynda vızıttik beınerolık túsirdi. Sondaı-aq «Iapýraı» atty avtorlyq nómir daıyndap, defıle, sahnalyq sóıleý, makıaj jáne aǵylshyn tili boıynsha jattyǵýlar jasady. Dızaıner Dılara Korjovamen birge etno-modern stılinde kostúmder ázirlep, «Beauty with a Purpose» qaıyrymdylyq aýksıonyna arnalǵan zergerlik buıymdar jasatqan.
11–31 mamyr aralyǵynda Telangana shtatynda ótetin baıqaýdyń fınalyna 120 eldiń ókili qatysady. «Miss Kazakhstan» uıymynyń ókilderi Sabınanyń Qazaqstan atyn álemge áıgileıtinine senim bildirip otyr.