Qazaqstanda jyl saıyn akýsherler orta eseppen 370 myńǵa jýyq áıeldi bosandyrady, dep habarlaıdy aqshamnews.kz.
Olar bolashaq analardy perzenthanaǵa túsken sátten bastap shyǵarylǵanǵa deıin qamqorlyq jasap, tek medısınalyq emes, moraldyq qoldaý da kórsetedi. Bul — áıelder men olardyń sábıleri úshin eń tolqynysty ári mańyzdy sátterde janynda bolatyn naǵyz qaharmandar.
Qazaqstandaǵy bosandyrý júıesi týraly derekter:
• Elimizde 240 bosandyrý uıymy, onyń ishinde 58 perzenthana jáne 37 perınataldyq ortalyq jumys isteıdi.
• Ambýlatorıalyq kómekti 810 áıelder konsýltasıasy, 1 282 dárigerlik ambýlatorıa jáne 790 feldsherlik-akýsherlik pýnkt kórsetedi.
• Qazaqstanda 9 myńnan astam akýsher eńbek etedi, olardyń 64%-y qalada, 36%-y aýylda jumys isteıdi.
• Perzenthanalarda 3 740 akýsher, al medısınalyq-sanıtarıalyq alǵashqy kómek deńgeıinde 3 675 akýsher qyzmet etedi.
• 600-den astam akýsher shalǵaı jerlerde feldsherlik-akýsherlik pýnktterde qyzmet kórsetip otyr.
Halyqaralyq akýsherler kúnin belgileý týraly ıdeıa 1987 jyly usynylyp, 1992 jyly resmı túrde moıyndaldy. Qazaqstanda bul kúnniń de ózindik mańyzy zor — árbir qýanyshty sábıdiń dúnıege kelýiniń artynda óz isine muqıat, tájirıbeli jáne adal akýsherler tur.