Qar kóshkini qaýpi bar.
«Qazseldenqorǵaý» MM mamandary «Qazgıdromet» RMK mamandarymen birlesip kóshkin qaýpi bar ýchaskelerdi tekserý kezinde Úlken Almaty ózeniniń baseıninde, sondaı-aq Talǵar ózeni alqabynda jalpy kólemi 13750 tekshe metr qar kóshkini ózdiginen túskenin anyqtady, dep habarlaıdy Almaty-akshamy.kz QR TJM saıtyna silteme jasap.
Qar kóshkinderiniń basym bóligi kólbeý jáne taýlardyń eteginde toqtap, tórt qar kóshkini kólge tústi. Qazseldenqorǵaý, Almaty qalasy polısıa men TJ departamentteriniń qyzmetkerleri blok bekketter qoıý arqyly halyqtyń júrip-turýyn shekteý boıynsha qabyldanǵan sharalardyń arqasynda qaıtys bolǵandar men zardap shekkender joq.
Qardyń bir bóligi Úlken Almaty ózenine aparatyn avtojoldy jaýyp tastady. Qabyldanǵan sharalarmen jol tazartyldy, zalal bolǵan joq.
Qazseldenqorǵaý jáne Almaty qalasy TJD mamandary qar kóshkininiń joǵary dárejesine baılanysty (taýlardyń betkeılerindegi qardyń turaqsyz jaı-kúıi) jaqyn kúnderi taýǵa, onyń ishinde Bogdanovıch muzdyǵy aýdanyna barmaýǵa keńes beredi.
Almaty qalasynyń TJ jáne polısıa departamentteri osy avtojol boıynda aldyn ala avtokóliktiń júrýin shekteý jónindegi blok beket qoıdy. Qaýipti ýchaskelerde eskertý qalqandary ornatyldy.
Óz kezeginde, Qazseldenqorǵaý qar kóshkini qaýpi bar kezeńniń basynan bastap jalpy kólemi 9200 m3 astam qar kóshkininiń 4 profılaktıkalyq túsýin júrgizdi (shamamen 10 myń).