Polısıa quqyq buzýshylyqtardyń aldyn alýǵa baǵyttalǵan reıdtik is-sharalardy ótkizip jatyr.
Almatylyq polıseıler zańsyz qaıta jabdyqtalǵan kólikterdi anyqtady, – dep habarlaıdy Almaty-akshamy.kz
Polisia.kz-tiń málimetinshe, taksı rejıminde jolaýshylardy tasymaldaýdy júzege asyratyn zańdy jáne jeke tulǵalardyń QR-nyń jol qozǵalysy qaýipsizdigin qamtamasyz etý salasynda qoldanystaǵy QR “Avtomobıl kóligi týraly”, “Jol qozǵalysy týraly”, “QR JQE jáne jolaýshylar men júk tasymaldaý erejelerin saqtaý” zańnamasyn buzý derekteriniń kóbeıýine baılanysty Almaty polısıasy quqyq buzýshylyqtardyń aldyn alý jáne jolyn kesýge baǵyttalǵan reıdtik is-sharalardy ótkizip jatyr. Tájirıbede ýákiletti organnyń kelisiminsiz qaıta jabdyqtaý, jarnamalyq qurylymdardy, laıt-bokstardy, elektrondy pannolardy ornatý, sondaı-aq jolaýshylardy qaýipsizdik beldikterin taqpaı tasymaldaý, balalardy ustaý oryndary men avtokólik oryndyqtaryn qoldanbaı tasymaldaý sekildi zań buzýshylyqtar jıi kezdesedi.
«Adamdardyń qaýipsizdigine qatysty tehnıkalyq reglamentter men standarttardyń barlyq talaptary oryndalýy kerek. Sonymen qatar qala aýmaǵynda jarnamalyq qurylymdar men elektrondy tablolardy ornatýǵa qatysty qoldanystaǵy zańnama talaptaryn buza otyryp, mehanıkalyq avtokólikterdi paıdalaný derekteri jıilep ketkenin aıta ketý kerek», dedi, Almaty qalasy PD ákimshilik polısıa basqarmasynyń basshysy Asqat Qulbaev.
Spıkerdiń aıtýynsha, bul qaıta jabdyqtaýlar jol qozǵalysynyń basqa qatysýshylaryn alańdatady.
«Kóbinese olardy ornatý jáne kólik quralynyń borttyq jelisine qosý “QR ST 31306 Avtokólik quraldary. Syrtqy betterdegi jarnama”, QR ÁQBtK-niń 590-baby 5-bóligi (Kólik quraldaryn paıdalaný qaǵıdalaryn buzý) boıynsha is qozǵalady. Júrgizýshiler kólikterin joǵarydaǵy zań talaptaryna sáıkes keltirýi qajet. Zań buzýshylyqtar anyqtalǵan jaǵdaıda polısıa qyzmetkerleri olardy ákimshilik jaýapkershilikke tartady», dedi Asqat Qulbaev.