A. Seleznev atyndaǵy Almaty horeografıalyq ýchılıshesinde 2023 jyldyń 4 sáýiri men 10 sáýiri aralyǵynda horeografıalyq oqý oryndarynyń VIII «Órleý» halyqaralyq baıqaýy ótedi.
Horeografıalyq oqý oryndarynyń VIII «Órleý» halyqaralyq baıqaýy álemniń jetekshi balet mektepteri arasyndaǵy halyqaralyq yntymaqtastyqty damytý jáne nyǵaıtý maqsatynda 2008 jyly qurylǵan. Sodan beri baıqaýdyń basty mindeti – horeografıalyq oqý oryndary arasynda keńinen tájirıbe almasýdy júzege asyrý, horeografıalyq óner salasyndaǵy jas daryndardy anyqtaý, oryndaýshylyq sheberlikti arttyrý, klasıkalyq, halyqtyq jáne zamanaýı bılerdiń ozyq dástúrlerin damytý, horeografıalyq óner salasyndaǵy jas talanttardy dáripteý, sondaı-aq Qazaqstan horeografıalyq bilimi men óneriniń álemdik arenadaǵy ımıjin ilgeriletý jáne básekege qabilettiligin arttyrý bolyp tabylady, dep habarlaıdy Almaty-akshamy.kz.
2018 jyly baıqaý IýNESKO qamqorlyǵymen ótetin balet baıqaýlarynyń Halyqaralyq Federasıasynyń múshesi mártebesine ıe boldy, al Federasıa tóraǵasy aty ańyzǵa aınalǵan Iýrıı Grıgorovıch.
Baıqaýda árqashan kóp qatysýshylar jınalyp (150-den astam), osy ýaqytqa deıin keń geografıalyq qamtýdy kórsetti. Bıylǵy jyly biz Qyrǵyzstan, Ózbekstan, Reseı, Ońtústik Koreıa jáne t. b. qatysýshylardy kútilýde.
Baıqaý únemi kóptegen qatysýshylardy jınaıdy (150-den astam) jáne onyń geografıalyq qamtýy da keń. Bıyl Qyrǵyzstan, Ózbekstan, Reseı, Ońtústik Koreıa jáne basqa elderden qatysýshylar keledi dep kútilýde.
Baıqaýdyń horeografıalyq bilim berý salasynda mańyzdy dıdaktıkalyq mısıasy bar. Uıymdastyrýshylar baıqaýdyń árbir jańa maýsymyn Qazaqstannyń horeografıa óneriniń kórnekti qaıratkerlerine arnaıdy. Máselen, horeografıalyq oqý oryndarynyń «Órleý» halyqaralyq baıqaýynyń VIII maýsymy qazaqtyń tuńǵysh kásibı balerınasy, Qazaq KSR halyq ártisi Sara Ydyrysqyzy Kósherbaevanyń 90 jyldyǵyna arnalady. Sonymen qatar, «Qazaq horeografıalyq óneri men biliminiń kórnekti qaıratkerleri» jáne «Ulttyq horeografıalyq óner men bilimniń ózekti máseleleri» taqyryptarynda «Seleznev oqýlary» atty halyqaralyq ǵylymı-zertteý konferensıa ótedi, onda 2023 jyly mereıtoılary atap ótiletin balet qaıratkerleri D. T. Ábirov (100 jas) jáne B. G. Aıýhanov (85 jas) shyǵarmashylyqtary qarastyrylady. Konferensıanyń «Qazaq, qyrǵyz, ózbek bıleri mysalynda túrki halyqtarynyń halyq bıleriniń uqsastyǵy men aıyrmashylyqtary» taqyrybyndaǵy praktıkalyq bólimi Almaty, Ózbek jáne Bishkek horeografıalyq ýchılısheleriniń oqytýshylarynyń qatysýymen ótedi.
Baıqaý aıasynda Qazaqstannyń jáne sheteldiń horeografıalyq óneriniń jetekshi mamandarynyń sheberlik sabaqtary men semınarlary ótedi. Onyń ishinde Fransıanyń «Ruée des Arts» bı tobynyń «Costard» spektakliniń qoıylymy men zamanaýı horeografıa boıynsha sheberlik synyby josparlanýda.
Aıta keterligi, baıqaýdyń tarıhynda alǵash ret fınaldyq týrlar, sonymen qatar gala-konsert jańadan ashylǵan Almaty Theatre sahnasynda kórermenderdiń qatysýymen ótedi. Bul óz kezeginde uıymdastyrýshylarǵa jeke «halyq tańdaýy syılyǵyn» belgileýge múmkindik beredi. Baıqaý kúnderi Almaty Theatre sahnasynda baıqaý jeńimpazdarynyń saltanatty gala-konsertimen aıaqtalady.