Almaty qalasy Ádilet departamentiniń zıatkerlik menshik quqyqtary bóliminiń basshysy Erkebulan Jetpisbaev óńirlik komýnıkasıalar qyzmetiniń brıfıńinde taýar belgilerin zańsyz paıdalanýǵa qarsy kúres týraly aıtyp berdi.
Kontrafaktilik ónimder el ekonomıkasyna zıan keltiredi, óndirýshilerdiń kirisin azaıtady, dep habarlaıdy aqshamnews.kz.
«Búgin biz eń ózekti máseleleriniń biri – taýar kóshirmelerimen kúresý jáne onyń belgileriniń quqyqtaryn qorǵaýdy talqylaý úshin jınaldyq. Jahandaný jáne komersıalyq belsendiliktiń ósýi dáýirinde kontrafaktilik ónim máselesi barǵan saıyn ózekti jáne ótkir bola túsýde. Saýda belgilerin zańsyz paıdalaný quqyq ıelerine zıan keltirip qana qoımaıdy, sonymen qatar tutynýshylardyń naryqqa degen senimine nuqsan keltiredi, sondaı-aq, olardyń densaýlyǵy men qaýipsizdigine qaýip tóndiredi. Almaty qalasy Qazaqstan Respýblıkasynyń mańyzdy ekonomıkalyq jáne mádenı ortalyǵy retinde bul máseleden tys qalmaıdy», - dedi Erkebulan Jetpisbaev.
Ol Almaty qalasy Ádilet departamentiniń zıatkerlik menshik quqyqtary jónindegi bólimi quqyq ıelenýshilerdiń nemese olardyń zańdy ókilderiniń senimhaty boıynsha ótinishteri men júginýleri negizinde, kináli adamdardy Qazaqstan Respýblıkasynyń Ákimshilik quqyq buzýshylyq týraly Kodeksiniń 158 – baby boıynsha «Bótenniń taýar tańbasyn Zańsyz paıdalaný, qyzmet kórsetý belgisi, taýar shyǵarylǵan jerdiń ataýy nemese fırmalyq ataýyn zańsyz paıdalaný» faktisi boıynsha ákimshilik jaýapkershilikke tartý úshin belsendi jumys atqarýda ekenin atap ótti.
Ádilet organdary Qazaqstan Respýblıkasynyń «Ádilet organdary týraly» Zańyna, Qazaqstan Respýblıkasynyń «Ákimshilik quqyq buzýshylyq týraly» Kodeksine, Qazaqstan Respýblıkasynyń «Taýar belgileri, qyzmet kórsetý belgileri, geografıalyq nusqaýlar jáne taýarlar shyǵarylǵan jerlerdiń ataýlary týraly» Zańyna sáıkes, isti ákimshilik zańnama sheńberinde taýar tańbasyn zańsyz paıdalaný faktisi boıynsha ǵana qaraýǵa ýákiletti.
«Aǵymdaǵy jyldyń basynan bastap Almaty qalasy Ádilet departamentiniń zıatkerlik menshik quqyqtary bólimi mynadaı nátıjelerge qol jetkizdi: 66 ákimshilik quqyq buzýshylyqtyń jolyn kesip, is qozǵady, onyń barysynda 31 mln 223 myń 523 teńgege 31 978 kontrafaktilik ónim zańsyz aınalymnan alyndy. Joǵaryda kórsetilgen ákimshilik quqyq buzýshylyqtardy qaraý nátıjeleri boıynsha sot quqyq buzýshylarǵa qatysty jalpy somasy 4 750 364 teńgege aıyppul saldy», – dep naqtylady E.Jetpisbaev.
Taýar tańbalaryn zańsyz paıdalaný máseleleri boıynsha jospardan tys tekserýler ártúrli sanattar boıynsha júzege asyryldy:
- oıynshyqtar: LEGO- qurastyrý bólshekteri;
- kıim: PUMA, NEW Balance,
- avtomobıl bólshekteri men kerek – jaraqtary: KIA/Hyundai – bólshekter, Alca – tazalaǵyshtar; SKF – moıyntirekter; MTEC-shamdar; WD – 40 – aerozol; Liqui Moly-Motor maılary;
- parfúmerıa jáne kosmetıka: Zielinski & Rozen, Relouis;
- keńse taýarlary: Cello-qalamdar; Lých-plastılın;
- Turmystyq tehnıka jáne elektronıka: SAMSUNG, LG-teledıdarlar; ALMACOM-kondısıonerler; Apple, Sony PlayStation-elektronıka;
- kámpıtter: Lındt;
- turmystyq hımıa: Persil - Persıl, Bref - bref, palet - palet.
Brıfıńke qatysqan Almaty qalasy Ádilet departamentiniń baspasóz hatshysy Almas Bekbotaev Qazaqstan Respýblıkasynyń zańnamasyna sáıkes bóten taýar belgilerin zańsyz paıdalanatyn quqyq buzýshylar úshin ákimshilik jaýapkershilik, qylmystyq jaýapkershilik jáne azamattyq sot isin júrgizý kózdelgenin atap ótti.
«Kóshirmemen kúresý jáne saýda belgilerin qorǵaý – bizdiń aldymyzda turǵan mańyzdy mindet. Almaty qalasynyń Ádilet departamenti zıatkerlik menshik quqyqtaryn qorǵaýdy qamtamasyz ete otyryp, adal jáne ashyq naryq qurýǵa yqpal ete otyryp, osy baǵytta belsendi jumys isteýdi jalǵastyrady. Biz zańsyzdyqtyń jolyn kesý arqyly osy mańyzdy salada aıtarlyqtaı nátıjelerge qol jetkize alatynymyzǵa senimdimiz», – dep atap ótti Almas Bekbotaev.