Qıyn jaǵdaıda sasqalaqtamaý, jedel áreket etý jáne ýchaskelik ınspektorlardyń úılesimdi is-áreketi 65 jastaǵy er adamnyń ómirin saqtap qalýǵa kómektesti.
Esenberlın kóshesindegi úılerdiń birinde qaıǵyly oqıǵa oryn ala jazdady. Úı ıesi mas kúıinde óz-ózine qol jumsamaq bolǵan, dep habarlaıdy Almaty-akshamy.kz Polisia.kz-ke silteme jasap.
Biraq aldymen qoshtasý úshin týystary men dostaryna telefon soqqan. Birinshi bolyp dosy dabyl qaqty. Ol birden “102” nómirine qońyraý shalǵan.
«Úıdiń esigi qulyptaýly boldy, ony syndyrýǵa májbúr boldyq. Úıge kirsek, bul adam peshtiń jylytý qubyrynda ilýli turdy. Men kóterdim, seriktesim ony sheship aldy. Alǵashqy medısınalyq kómek kórsettik. Aýaǵa shyǵardyq. Jedel járdem shaqyrdyq», – dedi Medeý aýdandyq PB JPQB ÝPP-niń ýchaskelik ınspektory Almas Janǵalı.
Dárigerler zardap shekken adamǵa kómek kórsetti. Osydan keıin ǵana ol orny tolmas qatelik jiberip qoıa jazdaǵanyn túsindi.
«Ómirimdi saqtap qalǵan polısıa qyzmetkerlerine úlken raqmet! Bulaı bolǵanyna keshirim ótinemin. Qatelik jasadym«», – dedi turǵyn.
«Jaǵymsyz jaǵdaı. Polısıa qyzmetkerlerine myń alǵys. Ony sheship úlgerdi. Myń alǵys» – deıdi týysy.