Mundaı sporttyq is-shara polısıa bólimshelerinde respýblıkalyq deńgeıde alǵash ret ótkizilip otyr.
Uıymdastyrýshylar – PD-nyń arnaıy jáne jumyldyrý daıyndyǵy basqarmasy. Ol Qazaqstan polısıasy kúnine oraı uıymdastyrylǵan, dep habarlaıdy Almaty-akshamy.kz.
«Bul maýsym aıynyń úshinshi onkúndigine josparlanǵan QR İshki ister mınıstriniń kýbogy úshin irikteý kezeńi boldy. Bul jeke quramnyń sporttyq daıyndyǵy jaǵynan jańa baǵyt. Nátıje tamasha. Áriptesterimizdiń arasynda týrnır jartylaı kásipqoı shahmatshylar da bar. Biz óz qatarymyzda sporttyń bul túrin odan ári damytýdy jalǵastyramyz. Jańa chempıondardy daıyndaý kerek», – dedi Almaty qalalyq polısıa departamenti bastyǵynyń orynbasary Dáýren Ótebaev.
Ádilqazylar alqasynyń hattamasy boıynsha birinshi oryndy Bostandyq aýdandyq PB-nyń ýchaskelik ınspektory Azamat Almasuly, ekinshi oryndy JQAJ ınspektory Mereke Muqataev, úshinshi oryndy JPQB PPP mamandandyrylǵan batalónynyń aǵa ınspektory Rasýl Maqsutov ıelendi.