Bul jaıynda Úkimet otyrysynda aıtyldy.
2023 jyldan bastap jumyssyz qalǵan azamat 6 aı boıy burynǵy tabysynyń 45 paıyzyn alyp otyrady. Bul týraly búgin Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy Almaty-akshamy.kz QazAqparatqa silteme jasap.
«Áleýmettik kodekstiń tórtinshi jańalyǵy áleýmettik saqtandyrý jáne zeınetaqy júıelerine qatysty. Qazirgi júıe áleýmettik táýekelderdiń 5 túrin saqtandyrady. Bul – halyqaralyq standarttarǵa jáne naqty ekonomıkalyq jaǵdaılarǵa saı keletin júıe. Sondyqtan, ol saqtalady. Degenmen, maqsaty ózgeredi. Júıe áleýmettik tólem tóleýge ǵana baqyttalmaı, eń aldymen formaldy formatta jumys isteýge yntalandyrýdy kózdeıtin bolady», - dedi Tamara Dúısenova.
Mınıstr bul maqsatty oryndaý úshin, eń aldymen shaǵyn bıznestegi jaldamaly qyzmetkerler, platformanyń kómegimen jumys istep júrgen azamattarǵa qatysty salyqtyq júktemelerdi tómendetý qarastyrylatynyn aıtty. Ekinshiden, áleýmettik jarnalaryn ýaqtyly aýdaryp otyrǵan jumyskerlerge saqtandyrý qorlarynan áleýmettik tólemder mólsheri kezeń-kezeńimen ulǵaıtylady.
«Keler jyldan bastap jumyssyz qalǵan azamattarǵa jarnalaryn tólegen ýaqytyna sáıkes, 6 aıǵa deıin burynǵy tabysynyń 45 paıyzyn tóleý qarastyrylyp otyr», - dedi ol.