Almatyda polısıa turmysy nashar otbasylardy turǵylyqty jeri boıynsha tekserý jumystaryn júrgizýde, - dep habarlaıdy aqshamnews.kz Polisia.kz-ke silteme jasap.
Qazaqstan Respýblıkasy İshki ister mınıstri jarıalaǵan "Profılaktıka jyly" aıasynda "Polısıa Zań men tártip kúzetinde" uranymen Almatyda 16-23 maýsym aralyǵynda "Otbasy" qalalyq jedel-profılaktıkalyq is-sharasy ótýde. İs-sharanyń basty maqsaty – otbasy-turmystyq qatynastar salasynda jasalatyn qylmystar men quqyq buzýshylyqtardyń aldyn alý, sonymen qatar halyqtyń quqyqtyq saýattylyǵyn arttyrý. Polıseıler buryn turmystyq zorlyq-zombylyq jasaǵany úshin aıyptalǵan azamattardy, sondaı-aq turmysy nashar otbasylardy turǵylyqty jeri boıynsha tekserý jumystaryn júrgizýde. Agressıvti otbasy múshelerine qatysty shyǵarylǵan qorǵanys nusqaýlyǵy men arnaıy talaptardyń saqtalýyn baqylaýǵa erekshe nazar aýdarylýda.
- Turmystyq zorlyq-zombylyq - jeke másele emes, qoǵamdyq qaýipsizdikke qater tóndiretin másele. "Otbasy" JAİ aıasynda biz kún saıyn buryn janjaldar tirkelgen mekenjaılarǵa shyǵyp, otbasylarmen sóılesip, zańnamany túsindirip otyramyz. Biz úshin túıtkildi máseleni anyqtaý ǵana emes, qaıǵyly oqıǵalardyń aldyn alý mańyzdy. Aldyn alý – basty mindet, - dedi, Túrksib aýdandyq polısıa basqarmasynyń bastyǵy Dýman Aýhadıev.
Baıandamashynyń aıtýynsha, shara barysynda bir ǵana Túrksib aýdany boıynsha 415 qorǵaý nusqamasy shyǵarylyp, áleýetti quqyq buzýshylardyń is-áreketin shekteý boıynsha 81 iske qatysty arnaıy talaptar qoldanylǵan.