Sotty bolyp, bas bostandyǵynan aıyrylǵan jasóspírímder jazasyn ótep jatqan №11 mekeme aumaǵyndaǵy №3 jalpy bílím beretín mekteptí bítírgen bıylǵy túlekter de attestat aldy.
Saltanatty jıyn elímízdíń Ánūranymen bastaldy. Ortaǵa 9 jáne 11- synypty bítírushí túlekter synyp jetekshílerímen shyqty. №11 mekemeníń tárbıe bólímíníń bastyǵy, ádílet podpolkovnıgí Alma Bázílbaeva jazaly jasóspírímderdí merekemen qūttyqtap, bolashaqta jaqsy azamat bolyp shyǵatyndyqtaryna sením bíldírdí.
Mekteptíń oqu jáne tárbıe jóníndegí orynbasarlary Lyudmıla Vasılevna men Aızada Ábdímádıqyzy da jyly lebízderín jetkízíp, 11-synypty bítírgen 17 oqushyǵa, 9-synyp bítrgen 4 oqushyǵa attestat tabystady.
Jalpy, 21 jasóspírím jalpy jáne negízgí orta bílím turaly attestat alyp, quanyshqa bólendí. 11-synypty bítírgen 5 ekpíndí oqushy «Maqtau qaǵazymen» jáne qoǵamdyq jūmystarǵa belsene qatysqan oqushylar «Alǵys hatpen» marapattaldy. Ís-shara kontserttík baǵdarlamamen jalǵasty.
Būl sát te este qalsyn degen nıetpen, mektep bítírushíler tílekter jazylǵan túrlí-tústí sharlardy kókke ūshyrdy. Balalardyń ózderí temír torly qorshauda júrse de, olardyń asqaq armany jazylǵan sharlar esh kedergísíz aspan álemíne jol tartty.