Almatyda 100-ge jýyq polıseı alma aǵashtaryn otyrǵyzdy.
Almaty qalalyq polısıa departamentiniń qyzmetteri men bólimsheleriniń 100-ge jýyq qyzmetkeri “Taza Qazaqstan” respýblıkalyq ekologıalyq naýqany aıasynda shahardyń ındýstrıalyq aımaǵynda ornalasqan “Ala saıabaǵynda” aǵash otyrǵyzýǵa jáne qalalyq senbilikke qatysty, dep habarlaıdy Almaty-akshamy.kz Polisia.kz-ke silteme jasap.
«Sonymen qatar 8 sáýir men 8 mamyr aralyǵynda qalada “Almaty – bizdiń ortaq úıimiz” naýqany ótýde, onyń negizgi maqsaty – qala ınfraqurylymyna qamqorlyq jasaý qundylyqtaryn damytý, halyq arasynda joǵary azamattyq jaýapkershilik pen ekologıalyq mádenıetti tárbıeleý, jeke ekologıalyq bastamalardy qoldaý jáne olardy júzege asyrý úshin jaǵdaı jasaý. Polısıa qyzmetkerleri shette qalmaı, belsendilik tanytyp, alma aǵashynyń erekshe sortynyń júzdegen kóshetin otyrǵyzdy», – dedi Almaty qalalyq polısıa departamenti bastyǵynyń orynbasary Erjan Uzabaev.
“Ala saıabaǵyndaǵy” senbilik sharasyn uıymdastyrýshylardyń aıtýynsha, oǵan Almaty qalasynyń turǵyndary, eriktiler, sportshylar men basqa da uıymdardyń qyzmetkerlerinen 1,5 myńnan astam adam qatysty.