Sporttyq shara Qazaqstan polısıasy kúnine oraı uıymdastyryldy.
Sporttyq shara Qazaqstan polısıasy kúnine oraı uıymdastyryldy, dep habarlaıdy Almaty-akshamy.kz Polisia.kz-ke silteme jasap.
Salaýatty ómir saltyn, qoldanbaly sport túrlerin keńinen nasıhattaý, polısıa qyzmetkerleri arasynda dene shynyqtyrý jumystaryn jandandyrý maqsatynda ótken estafetaǵa PD-nyń 12-ge jýyq qyzmeti men bólimshelerinen 130-dan astam tártip saqshysy qatysty.
«Kásibı mereke qarsańynda polısıa estafetasyn ótkizý ıgi dástúrge aınaldy. Bul joly adam az, kólikter az júretin qalanyń ındýstrıaldy aımaǵynyń aýmaǵynda ótti. 12 komanda patrúldik júgirý, gaz tumyldyryǵyn kıip júgirý, zembilmen jáne avtomatpen júgirý sıaqty 8 kezeń boıynsha synǵa tústi. Munyń bári, eń aldymen, turǵyndarymyzdyń polısıanyń árdaıym qyraǵy, sporttyq jáne fızıkalyq turǵydan damyǵanyn kórip, bilýi úshin jasaldy. Tıisinshe, qalalyqtar polısıaǵa árqashan arqa súıep, kómektiń der kezinde keletinin biletin bolady. Dene shynyqtyrý jáne sportpen aınalysý, jarystarǵa qatysý polısıa qyzmetkerlerine jedel-qyzmettik mindetterdi tabysty oryndaýǵa yqpal etetin jańa daǵdylardy meńgerýge kómektesedi», – dedi Almaty qalalyq polısıa departamenti bastyǵynyń orynbasary Dáýren Ótebaev.
Salaýatty ómir salty – qalalyq polısıa qyzmetkerleriniń kúndelikti jumysynyń ajyramas bóligi. Deni saý, syrtqy kelbeti kelisken polısıa qyzmetkerleri “Sport – densaýlyq kepili” degen aqıqatqa súıene otyryp, kásibı jáne sheberlikpen qylmysty ashyp, aldyn alýmen qatar, fızıkalyq turǵydan da damyp keledi. Búgingi tańda Almaty polısıasynyń jeke quramynyń arasynda kásibı sportshylar jetkilikti. Olardyń arasynda sport sheberleri men halyqaralyq dárejedegi sport sheberleri de bar. Tergeýshiler, patrúldik qyzmetkerler, ýchaskelik polısıa qyzmetkerleri jáne PD-nyń basqa da bólimsheleri ókilderiniń sporttyq jetistikteri halyqaralyq deńgeıde kózge túsip, oń baǵasyn aldy. Jarys qorytyndysy boıynsha Túrksib aýdandyq polısıa basqarmasynyń qurama komandasy jeńimpaz dep tanyldy. Almaly aýdandyq polısıa basqarmasynyń qyzmetkerleri áriptesterinen birneshe sekýndta ǵana qalyp qoıdy. Úshinshi júldeli oryndy Bostandyq aýdandyq polısıa basqarmasynyń komandasy ıelendi.