Bıyl elimizde BAQ ókilderiniń qyzmetine arnalǵan ulttyq baıandama ázirlenbek. Bul týraly Aqparat jáne qoǵamdyq damý vıse-mınıstri Qanat Ysqaqov málim etti, dep habarlaıdy Almaty-akshamy.kz.
«Bizge málim, halyqaralyq uıymdar ártúrli baǵytta baıandamalar ázirleıdi. Osy oraıda biz bıyl memlekettik jáne úkimettik emes uıymdarmen birlese otyryp jyl sońyna deıin Memleket basshysyna ulttyq baıandama ázirleımiz. Onda aldymen tilshilerdiń quqyǵyn qorǵaý jáne saqtaý týraly monıtorıńtik taldaý, BAQ ókilderiniń quqyǵy buzylýynyń problemalaryn zertteý, sonymen qatar tilshilerdiń qaýipsiz jumys isteýi jáne aqparatty erkin alýy men taratý qaralady», - dedi Qanat Ysqaqov Májiliste «Mass-medıa» týraly zań jobasyn talqylaý barysynda.
Onyń aıtýynsha, ulttyq baıandama aqparatty erkin alyp, taratýda qoljetimdilikti qamtıdy, dep jazdy QazAqparat.
«Ulttyq baıandama arqyly BAQ yqpaly óse túsedi. Bul biz úshin mańyzdy», - deıdi ol.