Osylaısha dárigerler anasynyń da, qursaqtaǵy sábıiniń de ómirin saqtap qaldy.
Ortalyq qalalyq klınıkalyq aýrýhana dárigerleri júktiliktiń 20-aptasynda áıeldiń jatyr tútikshesindegi óte úlken isikti alyp tastady.
Aýrýhana baspasóz qyzmetiniń málimetinshe, 28 jastaǵy pasıent aýrýhanaǵa «analyq bezi kıstasy» degen dıagnozben túsken. İsiktiń dıametri 35 santımetrge jetip, kólemi 9 aılyq júktilikpen teńesken.
Gınekologıa bólimshesiniń meńgerýshisi Almat Qońyrquljınovtyń aıtýynsha, dárigerler mundaı úlken kıstany buryn-sońdy kezdestirmegen.
Tájirıbeli hırýrgter isik kólemi iri bolǵandyqtan, laparotomıalyq operasıa jasaý týraly sheshim qabyldady. Ota kezinde kıstadan 10 lıtrge jýyq suıyqtyq alynǵan.
«Operasıa sátti ótti. Dárigerler áıeldiń reprodýktıvtik organdaryn ǵana emes, ishtegi náresteni de saqtap qaldy. Qazir olardyń ómirine tóngen qaýip tolyǵymen seıildi», - deıdi Almat Qońyrquljınov.
Ota mindetti áleýmettik medısınalyq saqtandyrý sheńberinde jasaldy.