Almatynyń Ortalyq qalalyq klınıkalyq aýrýhanasyna 4-dárejeli deformasıalanatyn artrozy jáne turaqty aralas kontraktýrasy bar naýqas tústi. Onyń aıaq-qol býyndary uzaq jyldar boıy qozǵalmaǵan. Sol aýrýdyń azabyn 9 jyl boıyna tartyp, oń aıaǵyn múldem soza almaǵan.
Iá, 4-dárejeli artroz onyń tize býynynyń qalypty jumysyna kedergi keltirgen. Naýqas úshin bir qadam jasaýdyń ózi muńǵa aınalypty.
OQKA travmatologıa jáne ortopedıa bóliminiń meńgerýshisi Qanat Táýekelov naýqasqa tize býynyn tolyq endoprotezdeý otasyn jasaýdy usyndy. Sóıtip bir mezgilde artqy bulshyqet toptary bosatyldy, bul aıaqty tolyǵymen túzetýge múmkindik berdi. Kúrdeli ota MÁMS paketi sheńberinde jasaldy.
– Biz jumysy buzylǵan býyndy jasandy býynǵa aýystyrdyq jáne bir ýaqytta bulshyqetti shyǵardyq, býyndy búgilgen kúıde ustaıtyn turaqty kontraktýrany joıdyq. Osylaısha biz aıaqtyń qozǵalǵyshtyǵyn qalpyna keltirdik. Ota sátti ótti, – deıdi Qanat Táýekelov.
Sátti otadan soń naýqas 9 jyldan keıin alǵash ret aıaǵyn jazyp, erekshe qýandy.
– Aıaǵym 2005 jyldan bastap isine bastady. Ony óz betimshe jylytý jastyqshasymen qyzdyrdym. Óıtkeni "býyndar jylýdy jaqsy kóredi" degendi estigenim bar edi. Biraq aıaǵym odan jaqsarmady. Uzaq jyldar adam tózgisiz aýyrsynýlardan janym qınalyp ketti, tek aýyrsynýdy basatyn dárilermen ómir súrip keldim. Mine, dárigerlerdiń arqasynda aıaǵymdy teń basyp, janym da jadyrap qaldy, – deıdi ota jasalǵan naýqas.