«Nazar aýdaryńyz! Balalar!» is-sharasy aıasynda Almaty polısıasy Qazaq jol qozǵalysy qaýipsizdigi ǵylymı-zertteý ınstıtýty jáne Qazaq avtomobıl-jol ınstıtýtynyń kómegimen naýqan ótkizýde, dep habarlaıdy Almaty-akshamy.kz Polisia.kz-ke silteme jasap.
«İs-sharanyń biri Almaty qalasy Medeý aýdanyndaǵy №35 orta mektepte ótti. Onyń qatysýshylary balalardyń jol-kólik jaraqaty máselesine nazar aýdartý úshin fleshmobqa qatysty. Aıta ketý kerek, is-sharalar jol qozǵalysy qaýipsizdigin qamtamasyz etý jáne jol-kólik oqıǵalary men ólim-jitim sanyn azaıtý maqsatynda júrgizilip jatyr», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Sonymen qatar ol bul shara jaıaý júrginshiler arasynda kólik tártibin jaqsartýǵa, jol-kólik oqıǵalarynyń sanyn azaıtýǵa, sondaı-aq jol qozǵalysy erejelerin buzýdyń aldyn alýǵa baǵyttalǵanyn atap ótti.
«Biz jol qozǵalysy erejelerin jáne jolda qaýipsiz júris-turys daǵdylaryn túsindirý boıynsha reıdtik jáne profılaktıkalyq is-sharalar ótkizemiz. Jas qatysýshylarǵa shaǵylystyratyn bilezikter berildi», – dedi Uzabaev.