Almaty qalasynda 2025 jylǵy naýryz aıynyń 23-28 aralyǵynda jaratylystaný-matematıka baǵytyndaǵy pánder boıynsha respýblıkalyq olımpıadanyń geografıa jáne matematıka pánderinen qorytyndy kezeńi ótti.
Ońtústik astanamyzda uıymdastyrylǵan bilim saıysynda elimizdiń eń úzdik 325 oqýshysy óz bilimderin dáleldedi.
Olımpıada barysynda qatysýshylar eki kezeńnen turatyn tapsyrmalardy oryndap, ózara synǵa tústi:
1-týrda – teorıalyq tapsyrmalar sheshildi;
2-týrda – geografıa páninen dalalyq týr, al matematıkadan kúrdeli teorıalyq esepter qarastyryldy.
Olımpıada baǵdarlamasy aıasynda qatysýshylarǵa «Kók tóbe» saıabaǵy men QR Memlekettik mýzeıine ekskýrsıalar, psıhologıalyq trenıńter, spartakıada uıymdastyryldy. Al komanda jetekshileri úshin oqý-ádistemelik semınarlar jáne Almaty qalasynyń jetekshi mektepterine ekskýrsıa ótkizildi.
Respýblıkalyq kezeńde Almaty qalasynyń namysyn geografıa páninen 7, matematıka páninen 14 oqýshy qorǵady.
Olımpıadanyń qorytyndysy boıynsha Almaty qalasynyń quramasynan 18 oqýshy QR Oqý-aǵartý mınıstrliginiń İ, İİ, İİİ dárejeli dıplomdarymen, altyn, kúmis, qola medaldaldarymen jáne baǵaly syılyqtarmen marapattaldy.
Aıryqsha jetistikteri úshin QR Oqý-aǵartý mınıstrligi «Daryn» Respýblıkalyq ǵylymı-praktıkalyq ortalyǵynyń gramotalarymen 2 oqýshy marapattady.
Jaratylystaný-matematıka baǵyty boıynsha jalpykomandalyq esepte Almaty quramasy birinshi oryndy ıelenip, «Eń úzdik olımpıadalyq komanda – 2025» ataǵyn jeńip aldy.
Aıta keteıik, Almaty qalasy 23 jyl qatarynan úzdik olımpıadalyq komanda ataǵyn saqtap keledi. Bul jetistik – oqýshylar men ustazdardyń qajyrly eńbeginiń nátıjesi.
Bilim shyńyn baǵyndyryp, jeńis tuǵyrynan kóringen oqýshylarymyzdy shyn júrekten quttyqtaımyz! Halyqaralyq arenada da jańa belesterdi baǵyndyrýdy tileımiz!