Keshe, 27 naýryz kúni QR Oqý-aǵartý mınıstri Ǵanı Beısembaev bilim basqarmalarynyń jáne qalalyq, aýdandyq bilim bólimderiniń basshylarymen mańyzdy kezdesý ótkizdi.
Kún tártibinde bilim berý júıesiniń problemalyq máseleleri jáne olardy sheshý joldary qarastyryldy, dep habarlaıdy aqshamnews.kz
Kezdesýde kóterilgen basty máseleler:
- Orta bilim salasyndaǵy normatıvtik qujattardaǵy ózgerister jáne olardy tıimdi qoldaný;
- Balalardyń quqyqtaryn qorǵaý jáne ınklúzıvti bilim berýdi damytý;
- «Birtutas tárbıe» baǵdarlamasyn iske asyrý;
- Pedagogter men bilim berý uıymdary basshylary qyzmetiniń tıimdiligin baǵalaý ádistemesi.
Nazar aýdarýǵa tıisti baǵyttar:
- Inklúzıvti bilim berý úshin qolaıly jaǵdaı jasaý;
- Pedagogterdiń biliktiligin arttyrý jáne olardyń jumysyn ádil baǵalaý;
- Tárbıelik jumystardy kúsheıtý, quqyqbuzýshylyqtyń aldyn alý sharalaryn belsendi júrgizý;
- Barlyq balalar úshin qosymsha sabaqtar uıymdastyrý arqyly oqý sapasyn jaqsartý;
- Akademıalyq adaldyq qaǵıdattaryn saqtaý jáne ony bilim berý júıesinde nyǵaıtý.
Bilim sapasy – árqashan basty nazarda! Oqýshylarǵa sapaly bilim men tárbıe berý úshin barlyq qajetti sharalardy qolǵa alýymyz qajet. Biz birlesip jumys isteý arqyly bilim salasyn jańa deńgeıge kóteremiz!