Almaty Theatre ǵımaratynda 8-13 qańtar aralyǵynda Respýblıkalyq fızıka-matematıka mektebiniń (RFMM) bazasynda ótkizilgen matematıka, fızıka jáne ınformatıka pánderi boıynsha HH Halyqaralyq Jáýtikov olımpıadasynyń saltanatty jabylýy ótti. Jyl saıynǵy dástúrli olımpıadaǵa bıyl Qazaqstan, Ázirbaıjan, Armenıa, Belarýs, Reseı, Qyrǵyzstan, Ózbekstan, Bolgarıa, Tájikstan, Mońǵolıa, Grýzıa, Serbıa, Úndistan jáne Rýmynıa syndy 16 elden 85 komanda, 700-ge jýyq oqýshy qatysty.
Olımpıadaǵa qatysýshylardy Qazaqstan Respýblıkasynyń Oqý-aǵartý mınıstri Ǵanı Beısembaev, «RFMM» KEAQ Dırektoroar keńesiniń tóraǵasy Berik Qanıev jáne Almaty qalasy ákiminiń orynbasary Ásem Núsipova quttyqtady, dep habarlaıdy almaty-akshamy.kz.
Olımpıadanyń ereksheligi — álemniń mamandandyrylǵan fızıka-matematıka mektepteri arasynda birden úsh pán boıynsha ótkizilýi. Osy jyly úsh jyldyq onlaın formattan, olımpıada qaıta oflaın formatta uıymdastyryldy. 2005 jyly alǵash ret ótkizilgen kezde 5 memleketten 189 oqýshy qatysqan edi.
Bıyl olımpıadaǵa Qazaqstan, Ázirbaıjan, Armenıa, Belarýs, Reseı, Qyrǵyzstan, Ózbekstan, Bolgarıa, Tájikstan, Mońǵolıa, Grýzıa, Serbıa, Úndistan jáne Rýmynıany qosqanda, álemniń 16 elinen 700-ge jýyq qatysýshy, 85 komanda qatysty.
Gran-prı, I, II jáne III oryndardy jeńip alǵan komandanyń barlyq músheleri medaldarmen, dıplomdarmen jáne baǵaly syılyqtarmen marapattaldy.
Úzdik nátıje kórsetken qatysýshylar Nurlan Qapparov atyndaǵy qordan matematıka páninen Nurlan Qapparov atyndaǵy syılyqty, fızıka páninen Ádilet Imambekov atyndaǵy syılyqty jáne ınformatıka páninen Ilá Segalovıch atyndaǵy syılyqtardy aldy.
Matematıka, fızıka jáne ınformatıka pánderi boıynsha 344 qatysýshy jeńimpaz atandy. «Úzdik olımpıadalyq mektep» nomınasıasy boıynsha Gran-prı Sankt-Peterbýrg qalasynan
№239 prezıdenttik fızıka-matematıka lıseıiniń komandasyna berildi.
Birinshi oryn Máskeý qalasynan kelgen V.F. Ovchınnıkova atyndaǵy «Ekinshi mektep» komandasy ıelendi, ekinshi oryn Tbılısı qalasynan L.V. Komarov atyndaǵy № 199 matematıka jáne fızıka arnaıy mektebiniń jáne Dolgoprýdnyı qalasynan P.L.Kapısa atyndaǵy «Fızteh-lıseıi» komandalary bólisti, úshinshi orynǵa Mınsk q. BGÝ lıseıi, Sofıa q. Sofia High School of Mathematics, Dolgoprýdnyı qalasynan P.L.Kapısa atyndaǵy «Fızteh-lıseıi» jáne Almaty qalasynan RFMM ıelendi.
Qazaqstandyq oqýshylar 109 medal jeńip aldy — 10 altyn, 43 kúmis jáne 56 qola.
Gran-prıdi jeńip alǵan komandanyń barlyq múshelerine kýbok pen noýtbýkter tabystaldy. Barlyq júldegerler dıplomdarmen jáne baǵaly syılyqtarmen marapattaldy.