Almatydaǵy onkologtar aýrýy asqynǵan 44 jasar áıeldi qutqaryp qaldy. Almaty qalalyq onkologıa ortalyǵyna 1977 jyly týǵan, 4-satyly joǵary jaǵyndaǵy jaqsúıegi qoınaýynyń asqyný qaterli isigimen aýratyn áıel jatqyzyldy. Pasıenttiń aıtýy boıynsha, qaterli isik 2019 jyldyń naýryzynan beri paıda bolǵan. Alaıda dárigerge júginbegen. Ortalyqtyń onkologtary teksergen kezde: oń jaqtan torly súıek keńsirigi labırıntiniń torshaǵa taralýymen oń jaq samaı súıeginiń, oń jaq kóz sharasynyń lateraldy jáne astyńǵy qabyrshaǵynyń buzylýymen jáne taralýymen oń jaqty gaımor qoınaýynyń paıda bolýy sekildi dıagnoz qoıyldy.
Pasıentke shuǵyl túrde hırýrg mamandardyń ota jasaýy qajet boldy. Operasıa kezinde dárigerler bet súıegin jaryp, bas mıyna ketken úlken isikti alyp tastady. Sodan hırýrg birsátte operasıadan keıingi týyndaǵan "kemshilikti" joıdy, sebebi isikti alyp tastaǵannan soń bet álpetindegi kemistigi kórinip, kóziniń almasy tómen túsip ketken.
«Tıtandy plasınamen biz bet súıeginiń operasıadan sońǵy qalǵan kemistikterdi qalpyna keltirdik. Operasıa sátti ótti. Búginde pasıent ózin jaqsy sezinedi jáne óz betimen tamaqtana alady», – dedi hırýrg-onkolog Sattar Appazov.
Operasıa 5 saǵatqa sozyldy. Jalpy 7 aı aralyǵynda Almaty qalalyq onkologıa ortalyǵynda 10300 pasıent emdelip shyqqan. Sondaı-aq, onkologtar skrınıngten ótýdi qaterli isikti erte satyda anyqtaýdyń tıimdi ádisi bolyp sanalatynyn eskerdi. Aýrý belgileri óte kesh satyda bilinse jáne isiktiń taralýy múmkindigi anyqtalsa, aýrýdy emdeý qıynǵa túsedi.
AOO baspasóz qyzmeti