Qazaqstanda koronavırýspen naýqastaný ósimi 2 paıyzǵa tómendedi. Bul týraly Úkimet otyrysynda QR Densaýlyq saqtaý mınıstri Alekseı Soı málim etti, dep habarlaıdy almaty-akshamy.kz.
«Álemdegi ahýal kúrdeli bolyp otyr. Búkil álemde koronavırýs ınfeksıasynyń shamamen 208 mln jaǵdaıy tirkelgen. Táýligine 480 myńnan astam jaǵdaı tirkelip otyr. 4,3mln-nan astam qaza tapty. Dúnıejúzilik densaýlyq saqtaý uıymynyń 6 óńiriniń tórteýinde shilde aıynyń ekinshi onkúndiginen bastap naýqastanýdyń artýy baıqalady. Jańa jaǵdaılardyń aıtarlyqtaı ósimi Amerıka elderi óńirinde, Tynyq muhıtynyń batys bóliginde tirkelgen», dedi Alekseı Soı.
Onyń dereginshe, Dúnıejúzilik densaýlyq saqtaý uıymyna múshe 228 eldiń 38-inde aýrýdyń jańa jaǵdaılary 50 paıyzdan astam artyp otyr.
«Sońǵy aptada aýrýdyń eń joǵary ósimi Ázerbaıjanda baıqaldy. Bul elde bir aptanyń ishinde aýrý 131 paıyzǵa, al Izraılde 63, Japonıada 21 paıyzǵa órshidi. Qazaqstanda apta ishinde ósim 2 paıyzǵa tómendedi», - dedi mınıstr.