Sınoptıkter 18 tamyz kúni el aýmaǵynda aýa raıy qandaı bolatynyn aıtty, dep habarlaıdy almaty-akshamy.kz
Qazaqstan aýmaǵynyń basym bóliginde burynǵysynsha antısıklon áserinen kún ashyq bolady, tek respýblıkanyń ońtústik-shyǵys jáne soltústik-shyǵys taýly aýdandarynda aýa aǵyndarynyń ótýimen naızaǵaı jarqyldap, jańbyr jaýady. Respýblıka boıynsha keı jerlerde jel kúsheip, shyǵysta jáne ońtústikte burshaq jaýýy yqtımal. Al soltústik-shyǵysta jáne ortalyqta túngi jáne tańǵy saǵattarda tuman túsedi, al ońtústikte shańdy daýyl kútiledi.
Kúndiz Soltústik Qazaqstan oblysynyń soltústik-shyǵysynda naızaǵaı oınap, ońtústik-shyǵysynda jel 15-20 m/s kúsheıedi.
Kúndiz Pavlodar oblysynyń ońtústiginde naızaǵaı jarqyldaıdy, jeldiń jyldamdyǵy 18 m/s jetedi, túnde batysta, ońtústik-batysta tuman kútiledi. Shyǵys Qazaqstan oblysynyń shyǵysynda naızaǵaı, burshaq, túnde taýly aýdandarynda tuman túsedi.
Qaraǵandy oblysynyń soltústik, shyǵys oblystarynda kúndiz naızaǵaı jarqyyldaıdy, túnde jáne tańerteń tuman bolady.
Jambyl oblysynda shańdy daýyl, soltústik-shyǵys, ońtústik-batys oblysynda jel 15-20 m/s kúsheıedi, kúndiz taýly aýdandarynda naızaǵaı jarqyldap, burshaq jaýýy múmkin.
Qyzylorda oblysynyń ońtústiginde, ońtústik-shyǵysynda kúndiz jeldiń jyldamdyǵy 15-20 m/s jetedi.
Túrkistan oblysynyń taýly aýdandarynda jel 15-20 m/s kúsheıedi.
Almaty oblysynyń taýly aýdandarynda, Aqmola oblysynyń soltústik-shyǵysynda naızaǵaı kútiledi.
Kúndiz Atyraý, Batys Qazaqstan oblystarynda óte qatty ystyq saqtalady, Aqtóbe oblysynda, Mańǵystaý, Qostanaı oblystarynyń ońtústiginde aptap ystyq bolady.
Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan oblystarynyń basym bóliginde, Qaraǵandy oblysynyń batysynda, Almaty oblysynyń shyǵys jáne batysynda, Qostanaı, Shyǵys Qazaqstan, Aqmola oblystarynda órt qaýpi saqtalady.