Almatyda qoǵamdyq oryndarda túkirgen 100-den astam adamǵa aıyppul salyndy
Almatyda polıseıler qoǵamdyq oryndardy lastaý derekterin anyqtaý jáne jolyn kesý maqsatynda reıd júrgizip jatyr. İs-sharanyń maqsaty – azamattardyń qalanyń estetıkalyq kelbetine áser etetin jalpy qabyldanǵan is-áreket normalaryn saqtaýǵa úgitteý, dep habarlaıdy Almaty-akshamy.kz Polisia.kz-ke silteme jasap.
«15-22 qyrkúıek aralyǵynda qoǵamdyq oryndardy lastaýdyń 234 deregi anyqtaldy. 103 jaǵdaıda túkirgen azamattarǵa aıyppul salyndy. Osy derekter boıynsha quqyq buzýshylar QR ÁQBtK-niń 434-2-babyna sáıkes ákimshilik jaýapkershilikke tartyldy. Aıyppul somasy 1 mln 770 myń teńgeni qurady. Jalpy, jyl basynan beri qoǵamdyq oryndardy lastaǵany úshin jalpy somasy 84 mln 559 myń 500 teńgege 4902 adam ákimshilik jaýapkershilikke tartyldy», – dedi Almaty qalalyq PD jergilikti polısıa qyzmeti basqarmasynyń basshysy Erjan Uzabaev.