Pandemıa aıaqtalǵannan keıin bul «Jas qyrandyqtardyń» alǵashqy saltanatty jıyny
QR Táýelsizdik kúni qarsańynda N87 orta mektep oqýshylarynyń elimizdiń biryńǵaı balalar men jasóspirimder qoǵamdyq uıymy qataryna qosylýyna oraı saltanatty sap túzeý ótti, dep habarlaıdy Almaty-akshamy.kz Almaty.tv-ge silteme jasap.
1-synyptaǵy 215 oqýshynyń antyn qabyldap, búginnen bastap Qazaqstandaǵy barsha mektep oqýshylarynyń basyn biriktiretin «Jas Ulan» jáne «Jas Qyran» uıymynyń sımvolıkasyn taqty. Qalyqtaǵan qyran beınelengen kók belgi, aspan jáne memlekettik tý tústes galstýk, demek sımvolıkaǵa laıyqty qurmetpen qaraý kerek.
Pandemıa aıaqtalǵannan keıin bul «Jas qyrandyqtardyń» alǵashqy saltanatty jıyny. Uıym óskeleń urpaqty joǵary adamgershilik-rýhanı qundylyqtar, toleranttylyq, demokratıalyq jáne ózara túsinistik mádenıeti qaǵıdattary negizinde otansúıgishtikke tárbıeleıdi.
«Uıym Qazaqstan halqynyń tarıhyn, mádenıetin, tilin bilý negizinde rýhanı áleýetti qalyptastyrýǵa jaýapty, oqýshylardyń qoǵamdyq belsendiligin, tanymdyq belsendiligin arttyrý, balalardyń shyǵarmashylyǵy men áleýmettik bastamalaryn damytýmen aınalysady. Mektep ómirindegi eresekter men balalar arasyndaǵy qarym-qatynasty úılestirýge jaýapty. Sondaı-aq balalar men jasóspirimder uıymdary memlekettik jáne qoǵamdyq qurylymdarmen, ÚEU-men áleýmettik áriptestikte alǵashqy qadamdar jasap jatyr», - deıdi N87 orta mektep dırektory Ular Myltyqbaeva.
Uıym qyzmetiniń qorytyndysy jyl saıyn shyǵarylady, mekteptiń úzdik jas ulandyqtary jalpy mekteptik, oblystyq, respýblıkalyq «Jas Ulan» keńesine múshe bola alady. Oqý jylynyń sońynda úzdik birlestikke «Úzdik top» ataǵy men dıplomy, sonymen qatar Qazaqstannyń tarıhı jerlerine saıahat nemese jazǵy saýyqtyrý lagerine joldama beriledi. Oqýda jáne qoǵamdyq jumysta erekshe jetistikterge jetken mektep oqýshylary «Jas Ulan» altyn kitabyna enedi. Eń belsendiler kórnekti qoǵam jáne saıası qaıratkerlermen kezdesýge, trenıńterge, semınarlarǵa jáne eldegi eń jaqsy lagerlerde kóshbasshylyq sabaqqa qatysýǵa múmkindik alady.
«Jas Ulan» jáne «Jas Qyran» biryńǵaı balalar men jasóspirimder uıymy» respýblıkalyq qoǵamdyq birlestigi 2011 jyly qurylǵan.