Ádis elimizdegi 2 myńnan astam sharýa qojalyǵy men jylyjaıda qoldanysta
Almatylyq ǵalymdar topyraq qunarlyǵyn arttyrý úshin biregeı joba oılap tapty, dep habarlaıdy Almaty-akshamy.kz Almaty.tv-ge silteme jasap.
Birneshe saraptamadan ótken ádis qazir elimizdegi 2 myńnan astam sharýa qojalyǵy men jylyjaıda qoldanysta. Onyń ereksheligi sol - jer qunarlyǵyn saqtaý jáne sapasyn arttyrý. Ádis tabıǵı jolmen júrgiziledi eken. Ǵalymdar ázirge bul pılottyq joba dep otyr. Endi memleketten qoldaý tapsa, tolyq qoldanysqa engizilmek. Alaıda aýylsharýashylyq salasynyń ǵalymdary bul baǵytta asa alańdaýly. Sebebi, qazir elimizdegi jerdiń basym bóligi erozıaǵa ushyraǵan deıdi.
«Jer daýyldy, sýly tabıǵattan keıin erozıaǵa ushyraǵan. Sý sińbeı qalǵan dárejege jetken. Jer qatty kúıregen. Osy rette qolǵa alynǵan bul pılottyq joba tıimdi, paıdasy orasan dep aıtýymyzǵa bolady», – dedi QR Vermıfermerler kooperatıvterin damytý komıtetiniń tóraǵasy Baqytjan Ásembekov
Sondaı-aq agrotehnologıa salasyndaǵy ǵalymdar memleket tarapynan berilgen grant aıasynda birneshe ǵylymı joba daıyndap jatyr. Ony tájirıbe negizinde iske asyryp ta júr. Bul ádistemelerdiń basym bóligin aýyldyq jerde qoldanýdy josparlamaq. Sebebi, el Prezıdenti baıandamasynda aýyldy qoldaý úshin agroónerkásip keshenine ınovasıalyq kásipkerlik bastamalardy engizý keregin aıtqan.
«Mysaly, bizdiń bir jobamyz óziniń tıimdiligin dáleldedi. Bul - maıburshaq soıa ósirý tehnologıasy. Bul ónimdiligin birden arttyrmasa da, turaqtylyqty saqtap qalady. Onyń paıdaly ne zıandy qasıeti - kórsetkishteriniń tómen bolýy», – dedi Aýylsharýashylyq ǵylymdarynyń doktory, profesor Esenbaı Islamov.