Almatylyq Laýra Muhtar Túrkıada ótetin Miss Aura International 2021 sulýlyq baıqaýyna Qazaqstan atynan qatysady, dep habarlaıdy almaty-akshamy.kz Tengrinews.kz silteme jasap.
Baıqaý 20 qyrkúıek pen 5 qazan aralyǵynda Antalıada ótedi. Baıqaýǵa álemniń ártúrli elinen kelgen 70-ten asa qyz qatysady. Dástúr boıynsha Miss Aura International talanttar baıqaýy, sán kórsetilimderi, keshki jáne ulttyq kóılekter kórsetilimi sekildi birneshe kezeńderden turady. Qyzdar áleýmettik jáne qaıyrymdylyq sharalarǵa qatysady.
Boıjetken Júrgenov atyndaǵy Qazaq ulttyq óner akademıasynda rejıser mamandyǵyn támamdaǵan. Qazir Laýra horeograf, sonymen qatar fılmderge túsedi jáne model retinde jumys isteıdi. Ol tenıske, atqa minýge, kitap oqýǵa jáne án aıtýǵa qyzyǵady.
Eske salaıyq, bir jyl buryn Túrkıada ótken Miss Aura International baıqaýyna Qazaqstan atynan model Farıza Rahman qatysyp, júldeli orynǵa ilige almaǵan bolatyn.