Almaty qalasynyń «Búdjetke qatysý» jobasy boıynsha turǵyndardan 36 ótinim kelip tústi, dep habarlaıdy almaty-akshamy.kz
Esterińizge salsaq, Almaty qalasynyń búdjetin bólý prosesine turǵyndardyń qatysýyn qarastyratyn «Búdjetke qatysý» jobasy aıasynda jobalyq usynystardy qabyldaý 23 tamyzdan bastalǵan bolatyn. Bıylǵy jyldyń 23 tamyzy men 6 qyrkúıegi aralyǵynda qala turǵyndary 36 joba usyndy.
«Open Almaty» Almaty qalasy ákimdiginiń qoǵamdyq qabyldaý bólmesiniń baspasóz qyzmetiniń málimetinshe, eń kóp ótinim Alataý aýdanynan abattandyrý boıynsha (23), odan keıin Almaly jáne Áýezov aýdandary (4-ten), Bostandyq aýdanynan (2) kelip tústi. Bir ótinimnen Naýryzbaı, Túrksib jáne Jetisý aýdandarynyń turǵyndarynan túsken.
Atalmysh jobany júzege asyrýǵa Almaty qalasynyń ákimdigi 6,4 mlrd teńge, ıaǵnı, ár aýdanǵa 800 mln teńgeden bóledi.
Aıta keteıik, qala turǵyndarynan ótinimder negizinen kópshilik serýendeıtin jerlerde oryndyq, qoqys jáshigi jáne balalar alańyn ornatý, eresek turǵyndardyń demalýyna qajetti jabdyqtar men konstrýksıalar ornatý jáne jóndeý» (27), «Ortaq paıdalaný oryndaryn qurý, jóndeý jáne jaryqtandyrý (saıabaqtar, skverler, jaıaý júrginshiler aımaqtary jáne ózge de obektiler)» (7), «Jıektas, órnektas, qorshaýdy jóndeý» (1) jáne «Trotýarlardy abattandyrý»(1) máseleleri boıynsha túsken.
Sondaı-aq, usynystardyń ishinde Almaty qalasynyń halyqaralyq áýejaıynda velojol salý, aýla, balalar men sport alańyn kúrdeli jóndeý, úılerdiń qasbetin jóndeý jáne syrlaý jáne t.b. bar.
Turǵyndardyń jobaǵa qatysý joldary jaıly «Open Almaty» Almaty qalasy ákimdiginiń qoǵamdyq qabyldaý bólmesi «Qala turǵyndary 1 qazanǵa deıin qalalyq ortany damytý jóninde usynys ıdeıasyn budget.open-almaty.kz portalyna jiberý qajet. Eger bul bastama basqa turǵyndardyń daýystarymen qoldaý tapsa, ol qalalyq búdjet esebinen júzege asyrylady» dep málimdedi.