Almaty Qalalyq kardıohırýrgıalyq ortalyǵynda jiti koronarlyq sındrommen jáne koronarlyq arterıalardyń synı zaqymdanýymen túsken mysyrlyqtyń ómirin qutqarý boıynsha kúrdeli ota sátti ótti.
Dárigerler tobynyń úılesimdi jumysynyń arqasynda shuǵyl hırýrgıalyq aralasýdy qajet etetin naýqas ýaqtyly jáne bilikti kómek aldy, dep habarlaıdy almaty-akshamy.kz.
Naýqas klınıkaǵa keýde qýysynyń qatty aýyrýy jáne entigý shaǵymdarymen tústi. Elektrokardıogramma, ehokardıografıa jáne koronarografıany qamtıtyn shuǵyl dıagnostıkalyq sharalardan keıin úsh koronarlyq arterıanyń synı zaqymdanýy anyqtaldy. Bul ólimge ákeletin nátıjeniń aldyn alý úshin dereý hırýrgıalyq aralasýdy qajet etti.
Jasandy qan aınalymy jaǵdaıynda koronarlyq arterıany aınalyp ótý arqyly mıokard revaskýlárızasıasyn júrgizý týraly sheshim qabyldandy. Bul prosedýra JIA bar naýqastardy emdeýde eń tıimdi bolyp tabylady, óıtkeni bul koronarlyq arterıalardaǵy qalypty qan aǵymyn qalpyna keltirýge jáne qaıtalanatyn ınfarkt qaýpin edáýir azaıtýǵa múmkindik beredi.
Otany kardıohırýrgıa bólimshesiniń meńgerýshisi Nurjan Músirepov jasady.
Naýqas júrek-ókpe fýnksıasyn ýaqytsha aýystyrýǵa múmkindik beretin jasandy qan aınalymyn júrgizetin apparatyna qosyldy. Bul júrekke qajetti barlyq manıpýlásıany oryndaýdyń maksımaldy dáldigi men qaýipsizdigin qamtamasyz etti.
Qazir naýqas fızıkalyq jaǵdaıdy qalpyna keltirý boıynsha keshendi sharalardy, arnaıy dıetany jáne dári-dármekpen emdeýdi qamtıtyn ońaltýdan sátti ótip jatyr.
Dárigerler tolyq qalpyna keltirýdi jáne barlyq usynys oryndalǵan jaǵdaıda belsendi ómir saltyn ustaný múmkindigin boljaıdy.
Ota MÁMS sheńberinde júrgizildi, sebebi pasıent Qazaqstanda turady, turýǵa yqtıarhaty bar jáne medısınalyq saqtandyrý boıynsha tólemdi únemi júrgizedi.