Shyǵyndy anyqtaý úshin arnaıy komısıa qurylady.
Tótenshe jaǵdaılar jónindegi birinshi vıse-mınıstr Ibragım Kúlshimbaev sý tasqynynan zardap shekken qazaqstandyqtarǵa ótemaqy qalaı tólenetinin aıtty, dep habarlaıdy Almaty-akshamy.kz
«Eger úıdi sý basqan bolsa, ótemaqy tóleý týraly ótinish qaralady. Tótenshe jaǵdaılarǵa jergilikti búdjetten qarajat qarastyrylǵan. Jergilikti búdjet qarajaty jetkiliksiz bolsa, respýblıkalyq búdjetten qosymsha qarajat bólinedi. Keltirilgen shyǵyndy anyqtaý úshin arnaıy komısıa qurylady. Keıin ótemaqy tólenedi», - dedi vıse-mınıstr.
Onyń aıtýynsha, sý basý yqtımaldyǵy joǵary óńirlerde – Almaty, Jambyl, Túrkistan jáne Jetisý oblystarynda evakýasıalaý pýnkteri uıymdastyrylǵan.
Sondaı-aq brıfıń barysynda vıse-mınıstr "Qazgıdromet" boljamyna baılanysty ońtústik garnızondardyń barlyq aýmaqtyq bólimsheleri joǵary daıyndyq rejımine ótkenin aıtty.
«Sýdy aǵyzý úshin 13 myńǵa jýyq qap konteıneri tóseldi. Tórt júzden astam jeke quram men 71 tehnıka jumyldyryldy. Túrkistan oblysyna kómekke Shymkent garnızonynyń kúshteri men quraldary da jiberildi. Qazirgi ýaqytta jaǵdaı turaqtandy. 200-den astam adam evakýasıalandy, onyń ishinde 111 bala týystaryna ornalastyryldy. Qazir olar úılerine oralyp jatyr», - dedi vıse-mınıstr.
Sondaı-aq qutqarýshylar azamattarǵa óz aýlalaryn qardan, sýarý aryqtaryn qoqys pen muzdan tazartý qajettigin eskertti.