Áleýmettik jelilerde almatylyq jasóspirimderdiń kóshe boıymen ótip bara jatqan qoǵamdyq kólikterge qar laqtyrǵan sáti túsirilgen vıdeo jarıalandy. Polısıa qyzmetkerleri buzaqylardyń jeke basyn anyqtaýǵa tyrysyp jatyr, dep habarlaıdy aqshamnews.kz
Oqıǵa Tóle bı men Áýezov kósheleriniń qıylysynda oryn alǵan. Jigitter árbir ótken avtobýsqa qar laqtyryp, nysanaǵa dál tıgizýge tyrysty. Bir sátte, tipti, qar laqtyrmaqshy bolǵan jasóspirimniń biri telefonyn jerge túsirip aldy.
Bul áreket jigitter úshin kóńildi oıyn bolǵanymen, kýágerler balalardyń bul áreketin kameraǵa túsirip, qarsylyq bildirdi.
Jergilikti polısıa qyzmeti qazirgi ýaqytta tekserý jumystaryn júrgizip jatyr. Jasóspirimderdiń jeke basy anyqtalǵannan keıin Qazaqstan Respýblıkasynyń zańnamasyna sáıkes sharalar qoldanylatyny habarlandy.