Energetıka mınıstri Almasadam Sátqalıev málimdeýinshe Qazaqstanda benzın, dızel jáne suıytylǵan gaz baǵasy kezeń-kezeńimen ósetin boldy, dep habarlaıdy aqshamnews.kz
– «Buǵan deıin Prezıdent janyndaǵy keńeste tıisti sheshim qabyldandy. Baǵanyń ósýi tek janar-jaǵarmaıǵa ǵana emes, suıytylǵan munaı gazy men taýarlyq gazǵa da qatysty. Biraq Úkimet bul prosesti baqylaýda ustaıdy, baǵanyń kúrt sharyqtaýyna jol berilmeıdi», – dedi mınıstr.
Onyń aıtýynsha, Úkimet normatıvtik jáne ákimshilik quraldardy paıdalana otyryp, baǵanyń turaqty ósýin qamtamasyz etedi. Iaǵnı, janar-jaǵarmaı baǵasy naryqtyq faktorlarǵa sáıkes rettelip, halyq úshin aýyr saldary bolmaıtyndaı túrde kóteriledi.
Bul ózgerister otyn naryǵyn turaqtandyrý jáne ishki suranysty tıimdi retteý maqsatynda júzege asyrylýda.