Qazaqstan men Úndistan arasyndaǵy áýe qatynasy keńeıip keledi. QR Kólik mınıstrliginiń málimetinshe, 20 sáýirden bastap Air Astana áýe kompanıasy Almaty – Mýmbaı baǵyty boıynsha tikeleı reısterdi iske qosady, dep habarlaıdy aqshamnews.kz
Jańa baǵyt boıynsha reıster aptasyna úsh ret – jeksenbi, sársenbi jáne beısenbi kúnderi oryndalady. Ushýlar Airbus áýe kemelerimen júzege asyrylady.
Alǵashqy reıs:
✈ Almatydan ushý – 20 sáýir, 04:30
✈ Mýmbaıǵa qoný – 09:55 (jergilikti ýaqyt boıynsha)
✈ Qaıtar jol: Mýmbaı – 11:00, Almaty – 14:45
Ushý ýaqyty:
- Almaty – Mýmbaı: 4 saǵat 50 mınýt
- Mýmbaı – Almaty: 4 saǵat 20 mınýt
Qazirgi ýaqytta Qazaqstannan Úndistanǵa Almaty – Delı baǵytynda Air Astana jáne IndiGo áýe kompanıalary reısterdi oryndaýda. Sonymen qatar, SCAT Almatydan Goaǵa, al FlyArystan Astanadan Goaǵa tikeleı ushady.
Jańa baǵyt eki el arasyndaǵy iskerlik jáne týrısik baılanystardy nyǵaıtýǵa yqpal etpek.