Bul kóliktiń arnaıy pıloty bar.
Almatylyq jas ónertapqyshtar spırtpen júretin kólik qurastyryp shyqty, dep habarlaıdy Almaty-akshamy.kz Almaty.tv.
Joǵary oqý ornynyń stýdentteri ózge de týyndysyn tanystyryp, jurtty tánti etti. Jas ǵalymdardyń aıtýynsha, jańa qurylǵylar otandyq tehnologıa salasynyń damýyna serpilis bermek.
«Salmaǵy 47-49 keli arasynda bolady. Bul kóliktiń arnaıy pıloty bar, pılottyń salmaǵy 55 keli bolsa, jalpy 100 keli salmaqpen 25-27 shaqyrymǵa deıin júredi», – dedi Q.Sátbaev atyndaǵy QAZUTZÝ stýdenti Álibek Ybyraıym.
Jas ónertapqyshtar adamnyń 7 buıryǵyn eki etpeıtin robottyń qolyn da tanystyrdy. Stýdentterdiń aıtýynsha, bul týyndy 1 aı qurastyrylyp, joba respýblıkalyq jarysta júldeli bolǵan. Odan bólek, ǵylym salasyna bet burǵan jastar paıdaly qazbalar tabýdyń ońtaıly jolyn usyndy.
«80 gradýs buryshpen burǵylaıtyn bolsaq, apatty jaǵdaıǵa kóp ushyraıdy. Iaǵnı, jarǵan kezde kenniń bos jynystarynyń shashyraýy kóp bolady. Biz sol sebepti 80 emes, 65 gradýspen burǵylaımyz dep sheship, esebimizdi solaı shyǵardyq», – dedi Q.Sátbaev atyndaǵy QAZUTZÝ stýdenti Almat Saparbaev.