Mundaı sheshimdi Ádep jónindegi keńes shyǵarǵan.
Memlekettik qyzmet isteri departamentindegi Ádep jónindegi keńes Almaty qalalyq Qoǵamdyq densaýlyq saqtaý basqarmasy basshysynyń orynbasary Laýra Myrzaǵalıdi qyzmetinen bosatý týraly sheshim qabyldady, dep habarlaıdy Almaty-akshamy.kz
«Memlekettik qyzmet isteri departamentindegi Ádep jónindegi keńes músheleri joǵary laýazymdy tulǵany qyzmetinen bosatý týraly sheshim qabyldap, basqarmaǵa usynys jasady. Densaýlyq saqtaý basqarmasynyń basshysy sheshimdi 10 jumys kúni ishinde (20 mamyrǵa deıin) qabyldaýy kerek», - dep málimdedi Almaty ákiminiń baspasóz qyzmeti.
Buǵan deıin áleýmettik jelilerde Almaty qalalyq qoǵamdyq densaýlyq saqtaý basqarmasy basshysynyń orynbasary qyzmetkermen syıaqy týraly sóz talastyrǵan vıdeo paıda bolǵan edi. Keıin Memlekettik qyzmet isteri agenttiginiń Almaty qalasy boıynsha departamenti dáriger Laýra Myrzaǵalıǵa qatysty tekserý bastalǵanyn málim etti.