Almaty qalasy Alataý aýdanynyń Halyqqa qyzmet kórsetý ortalyǵynyń qyzmetkerleri aldaǵy referendým týraly aqparattandyryldy
Olarǵa respýblıkalyq jáne qalalyq shtabtyń músheleri - AMANAT partıasynyń depýtattary Juldyz Súleımenova, Qalı Sársenbaı, Ásıa Aqanova jáne partıanyń Almaty shtabynyń basshysy Meıirjan Otynshıev elimizdiń Ata zańyna engiziletin túzetýler týraly aıtyp berdi, dep habarlaıdy Almaty-akshamy.kz
«Búgin biz Alataý aýdanynyń Halyqqa qyzmet kórsetý ortalyǵynda ortalyqtyń ózine kelgen qyzmetkerler men azamattar úshin referendým jáne konstıtýsıalyq reformalar boıynsha túsindirý jumystaryn júrgizdik. Negizgi maqsattardyń biri - konstıtýsıalyq reformalar bizdiń memleketimizdiń bolashaǵy úshin jáne árbir azamat úshin mańyzdy proses ekenin túsindirý, onyń mazmunyn aldaǵy ózgerister men baptar týraly túsindirý boldy. Almatylyqtar tarapynan kóptegen suraqtar boldy. Bul áleýmettik máseleler, ınklúzıvti bilim berý máseleleri, sondaı-aq kórneki mazmunnyń sanyn arttyrý boıynsha usynystar, óıtkeni mátindik formatta úlken materıaldy qabyldaýda qıyndyqtar bar. Biz óz quzyretimiz aıasynda túsindirý jumystaryn júrgizdik. Barlyq máseleler meniń jeke baqylaýymda bolady", - dedi partıanyń Májilistegi depýtattyq fraksıasynyń múshesi J.Súleımenova.
Partıalyqtar eń mańyzdy másele sýperprezıdenttik basqarýdan prezıdenttik basqarýǵa kóshý ekenin atap ótti.
«Aldaǵy referendým - memleketimizdiń bolashaǵyn aıqyndaıtyn tarıhı proses. Konstıtýsıaǵa usynylyp otyrǵan túzetýlerdiń el úshin mańyzy zor, olar qazir belsendi transformasıa kezeńine ótip jatqan qoǵamǵa baǵdarlanǵan. Osy ortaq iste biz qazaqstandyqtar retinde ózimizdiń azamattyq ustanymymyzdy kórsetýimiz kerek», - dep atap ótti Almaty qalasy máslıhatynyń depýtaty Qalı Sársenbaı.
Sondaı-aq, azamattar amanattyqtarǵa múgedektigi bar adamdardyń ómir súrý sapasyn arttyrý, sondaı-aq pedagogtarǵa arnaıy medısınalyq qyzmetter kórsetý jáne saqtandyrý máseleleri boıynsha suraqtar qoıdy.
Kún saıyn halyqpen ózara is-qımyl jasaıtyn HQKO qyzmetkerleri osy jylǵy 5 maýsymǵa josparlanǵan referendýmnyń maqsaty men mánin túsindirgeni úshin alǵysyn bildirip, kezdesý barysynda alynǵan aqparat olarǵa memlekettik qyzmetterdi alý barysynda kelýshilerdiń referendým boıynsha qoıatyn suraqtaryna durys jaýap berýge kómektesetinin jetkizdi.
