Aq halattylar men tártip saqshylaryna rızashylyǵyn bildirdi.
Perzenthanada tuńǵyshymen alǵash qaýyshqan almatylyq Zekır Sherıpov polısıa qyzmetkerlerine alǵys aıtty, dep habarlaıdy Almaty-akshamy.kz Almaty.tv silteme jasap.
Jubaıynyń tolǵaǵy bastalyp, kepteliste turyp qalǵan azamat amalsyz polıseılerden kómek suraǵan eken. Birge júrip otyryp, perzenthanaǵa bar-joǵy 20 mınýtta jetipti. "Ol bolmaǵanda, jaǵdaıdyń qalaı bolary belgisiz edi", - deıdi áke.
Zekır bul kúni aq halattylar men tártip saqshylaryna rızashylyǵyn bildirdi.
«2311 nómirli Hyundai ellantra kóligin tizgindegen polısıa qyzmetkerine alǵysymdy aıtamyn! Alasuryp júrip, tipti atyn da suramappyn. Tolǵatyp jatqan kelinshegimmen perzenthanaǵa deıin birge júrýdi ótinip edim, esh oılanbastan kelisti. Búgin, mine, tuńǵyshymmen alǵash ret kezdesip, qýanyshym qoınyma syımaı tur», - dedi qala turǵyny Zekır Sherıpov.