Fransıa astanasy men Eýropanyń basqa da elderiniń shoýrýmdarynda qazaqstandyq kıimder paıda bolýy múmkin
Parıjde ótken sán aptalyǵynda dızaıner Aıdana Omarova «Baqyt tústeri» dep atalatyn toptamasymen el namysyn qorǵady, dep habarlaıdy Almaty-akshamy.kz Qazaqtv.com saıtyna silteme jasap.
Osy sala kásipqoılarynyń aıtýynsha, Aıdana óz toptamasynda kólemdi kıim, neon tústeri, erekshe pishin sekildi sánniń búkil trendin barynsha qoldanǵan. «Osy podıýmda usynylǵan kıimder aldaǵy kúz ben qys maýsymdaryna arnalǵan», – deıdi álemdik dızaınerler.
«Kıimderdiń Eýropada jáne ózge elderde de ózindik orny bar dep sanaımyn. Bul brend birneshe mádenıetti biriktiredi, sebebi ár adam munda ózine jarasatyn zattardy taba alady», - deıdi «Posture» agenttiginiń negizin qalaýshy, stılıs Keına.
«Dál qazir dızaınerdiń ınstagramyn qarap otyrmyn. Jumysy keremet, ózi de óte daryndy eken. Ózge elderdiń dızaınerleri jetistikke jetý úshin Parıjge keletinine rızamyn», - deıdi radıojúrgizýshi Marsela Santamarıa.