Nurjan Manapbaev úıinen 2022 jyldyń 9 qyrkúıeginde shetelge jumys isteýge ketken.
Ol Qarasaı batyr meshitiniń bas ımamy, Pavlodardaǵy oblystyq meshittiń naıb ımamy, Almaty oblysynyń ókil ımamy bolǵan, dep habarlaıdy Almaty-akshamy.kz
Almaty oblysynyń eks-bas ımamy bolǵan Nurjan Manapbaevty áıeli Aısulý Saılaýbekqyzy shetelge jumysqa ketken soń tappaı qalǵan. Ol 8 aıdan keıin Avstrıadan tabyldy. Eks-ımamnyń otbasymen qaýyshýyna «Kóremiz» baǵdarlamasynyń redaksıasy sebepker bolǵan.
Nurjan Manapbaev úıinen 2022 jyldyń 9 qyrkúıeginde shetelge jumys isteýge ketken. Alǵashynda otbasymen kúndelikti sóılesip turǵanymen, 6 jeltoqsannan keıin baılanys úzilip qalǵan.
Ol din salasyndaǵy qyzmetinen bosaǵan soń túrik fırmalarynda eńbek etken. Sol kompanıalardyń biri shetelge jumysqa baratynyn aıtqan. Jalaqysy aıyna 2,5 mıllıon teńge bolatynyn jetkizdi. Áıeline Túrkıaǵa ushamyn degen. Biraq Manapbaev aldymen Almatydan Astanaǵa, sosyn Ábý-Dabıge ushqan.
«Birikken Arab Ámirlikterine baratynymdy basta bilgen joqpyn. Ushaqqa otyrar aldynda ǵana bıletimizdi ustatqanda aıtty», -deıdi ol.
Sosyn Ábý-Dabıden Túrkıaǵa barǵan. Sol jerde 2,5 aı bolǵan. Túrik tilinen aǵylshyn tiline aýdarmamen aınalysqan. Keıin Avstrıaǵa jibergen. Qurylysta jumys istegen.
«Qara jumyspen aınalystyq. Bir múmkindik bolsa, elge qaıtýdy oıladym. Brıgadırlerdiń de mazasyn alyp, avans suraı berdim. Bergen avanstaryn jınaıtyn boldym»,-deıdi Nurjan Manapbaev.
Áıeli Aısulýdyń aıtýynsha, eks-ımamdy jumysqa shaqyrǵan kompanıa basshysy ketem degen kezde bopsalap qorqytqan. Eger qashatyn bolsa, barlyq aqshany moınyna iletinin aıtqan. Al Nurjannyń ózi esimin aıtpady. Tek «óz qateligim, sengenim» dep shekteldi.
Qurylys basynan qashyp shyǵýyna syǵandardyń kelýi sebep bolǵan. Jumysqa jańadan syǵandar tartylǵan. Olardyń aıaqtaryna kıetin rezeńke etikteri jetispeı, Nurjandy jibergen. Qujatyn qolyna ustatqan soń mıgrasıaǵa barǵan. Sóıtip, mıgrasıaǵa jetkende Qazaqstannan izdep jatqanyn aıtqan. Eń sońynda Avstrıadan Grýzıa arqyly elge oralady.
Nurjan Manapbaev – zańger, tarıhshy.1984 jyly Almaty oblysynda kelgen. Aǵylshyn, túrik, arab tilderin jetik meńgergen.