Bul qarajatqa turǵyn úı komýnaldyq sharýashylyǵy, áleýmettik jáne kólik ınfraqurylym jobalary iske asyp jatyr.
Biraq jyl saıyn aýyldan qalaǵa 200 myńdaı adam kóshedi, dep habarlaıdy Almaty-akshamy.kz
Elde bolashaǵy bulyńǵyr 2 myń 800 eldimeken bar.
Ulttyq ekonomıka mınıstri Álibek Qýantyrovtyń sózinshe, olar damý áleýeti bar eldimekender bolyp sanalady. Ókinishke qaraı, turǵyndar sany azaıǵan keıbir aýyldarda jaǵdaı qıyn. Qazir bolashaǵy bulyńǵyr 2 myń 800 eldimeken bar. Ol jerlerde, shamamen, halyqtyń 10 paıyzy ǵana turady.
"Bul aýyldarda 700 myńǵa jýyq adam turyp jatyr. Turǵyndar sany edáýir azaıǵan aýyldarda jaǵdaı qıyndaý. Al keıbir aýyldardy qalpyna keltirip, qoldaý jasalady. Bul turǵyda osy aýyldardyń bolashaǵy óńirlerde júrgizilgen saıasatqa qatysty bolady", - dedi QR Ulttyq ekonomıka mınıstri Álibek Qýantyrov.
Jalpy, jyl saıyn aýyldan qalaǵa 200 myńdaı adam kóshedi. Qonys aýdarýdyń basty sebebi - jumystyń joqtyǵy jáne ınfraqurylymnyń tozýy. Sonymen qatar "aýyldyqtardyń tabysy qalalyqtarǵa qaraǵanda edáýir tómen", deıdi mınıstr.