Týrıser Kók jaılaý – Kúmbel shyńy baǵytymen júrgen.
Qutqarýshylar Almaty taýlarynda joǵalyp ketken 4 týrısi izdep tapty, dep habarlaıdy Almaty-akshamy.kz
«4 maýsym saǵat 19:05-te TJM Respýblıkalyq jedel-qutqarý jasaǵynyń (RJQJ) kezekshi-dıspecherlik bólimine Medeý aýdanyndaǵy taýlarda 4 týrıs joǵalyp ketti degen habarlama tústi. Týrıser Kók jaılaý – Kúmbel shyńy baǵytymen júrgen. Keri qaıtar jolda Gorelnık shatqalyna qaraı shyǵyp, jolda adasyp ketken. Týrıser telefonmen baılanysta bolyp, geolokasıa derekterin jibere aldy. Saǵat 20:00-de 6 adamnan turatyn RJQJ jedel toby, onyń ishinde bir kınologıalyq eseptop Gorelnık shatqalyna týrıserdi izdeýge shyqty. Saǵat 22:55-te TJM qutqarýshylary zardap shekkenderdi taýyp aldy. Qýanyshqa oraı týrıser medısınalyq kómekke muqtaj bolǵan joq», - delingen Tótenshe jaǵdaılar mınıstrliginiń málimetinde.
Osyndaı qıyndyqqa tap bolmas úshin qutqarýshylar serýendeý erejelerin eske salady: «Taýǵa shyqpas buryn baǵytyńyzdy muqıat zertteńiz, jalǵyz júrmeńiz, joldastaryńyzdy tanys emes ortada jalǵyz tastamańyz. Baǵyttyń negizgi bóligin kúnniń birinshi jartysynda júrip ótýge tyrysyńyz, baǵyttan alshaqtap, ózge joldarǵa (soqpaq) shyqpańyz, joldy qysqartpańyz».
Kómekke muqtaj bolǵan jaǵdaıda 112 nemese 8(727) 372-15-60 («QR TJM RJQJ» MM kezekshi-dıspecherlik bólimi) nómirlerine qońyraý shalýǵa bolady.