Olar 62 jastaǵy áıeldiń ótinen 1730 tas aldy.
Almaty qalasynyń №7 qalalyq klınıkalyq aýrýhanasyna 62 jastaǵy áıel oń jaq qabyrǵa astynyń aýrýy, júrek aıný, qusý, aýyzdyń qurǵaýy sekildi shaǵymdarymen shuǵyl túsken, dep habarlaıdy Almaty-akshamy.kz emdeý mekemesiniń baspasóz qyzmetine silteme jasap.
Dárigerler teksergennen keıin naýqasqa "Jedel tas holesıstıti" degen dıagnoz qoıyp, jalpy anestezıamen, zamanaýı az ınvazıvti tehnologıa boıynsha – «Laparoskopıalyq holesıstektomıa» operasıasy jasaldy.
Ota barysynda ótten dıametri birneshe mıllımetrden 1,5 santımetrge deıingi 1735 tas shyǵarylǵan.
"Bul ota meniń rekordymdy jańartty. Bul joly tek ótten 1730-dan astam tas tabyldy. Densaýlyqty saqtaý jáne ót tas aýrýymen baılanysty asqynýlardyń aldyn alý úshin profılaktıkalyq jáne skrınıngtik tekserýlerden ótýdi usynamyn", - dedi hırýrgıa bóliminiń meńgerýshisi profesor Musa Sahıpov.
Mamandardyń aıtýynsha, tastardyń sary tústi bolýy holesterınniń joǵary bolýyna baılanysty.
Ótine tas jınaýdan rekord ornatqan pasıent otadan keıin tórtinshi kúni úıine shyqty.