Ulttyq tenıs ortalyǵynda dástúrli Prezıdent kýbogy máresine jetti.
Erler arasynda chellendjer týrnıriniń fınalynda almatylyq Denıs Evseev álemniń 151-inshi, jarystyń 1-raketkasy, reseılik Roman Safıýllınmen bas júldeni sarapqa saldy, dep habarlaıdy Almaty-akshamy.kz.
Birinshi partıada qazaqstandyq tenısshi aıqyn basymdylyq kórsetti - 6:2. Ekinshi sette R.Safıýllın ese qaıyrdy - 6:4. Úshinshi, sheshýshi partıada reseılik sportshy taı-breıkte jeńisti julyp aldy - 7:6 (7:2). Osylaısha, Roman óz sporttyq jolynda ekinshi ret chellendjer týrnırinde tıtýlǵa qol jetkizip, 80 reıtıńilik upaı men 7200 AQSH dollary kóleminde syıaqyǵa ıe boldy. Fınalda jeńilip qalǵanyna qaramastan, D.Evseev dúısenbide jańartylatyn álemdik reıtıńide 341-den 269-orynǵa kóteriledi.
Áıelder arasynda Prezıdent kýbogy aıasynda ITF World Tennis Tour W60 dodasynda japonıalyq Moıýka Ýchıdjıma úzdik shyqty. Ol fınalda serbıalyq Natalá Stefanovıchti utty - 6:3, 7:6 (7:2).
Aıta keteıik, budan buryn tenısshi Denıs Evseevtiń Prezıdent kýbogynyń fınalyna shyqqan bolatyn.