Respýblıka saraıynda tuńǵysh ret «Jas qanat. Balalar» baıqaýy jáne «Jas qanat» jas oryndaýshylar baıqaýynyń birinshi jartylaı fınaly ótti, dep habarlaıdy Almaty-akshamy.kz.
«Jas qanat. Balalar» baıqaýyna 22 úmitker qatysty. Olardyń keremet óner kórsetkeni sonsha, qazylar alqasy sheshim shyǵarar aldynda qınalyp, uzaq talqylady. Nátıjesinde olar úsh júlde taǵaıyndap qana qoımaı, sol jerde Gran-prı týraly sheshim qabyldady.
Gran-prı almatylyq Dastan Turdalyǵa buıyrdy. 1 oryndy Túrkistan oblysynan kelgen Zere Júnisbaı qanjyǵasyna baılasa, 2 oryndy mańǵystaýlyq Ámına Asǵatova ıelendi. Al 3 orynnyń tuǵyrynan Aqtóbe oblysynan kelgen Balym Nysanaly kórindi. Jeńimpazdarǵa altyn, kúmis jáne qola qanattardan bólek, aldaǵy halyqaralyq «Azıa daýysy» festıvaline daıyndyq úshin Almaty qalasynyń ákimi Erbolat Dosaevtyń atynan aqshalaı granttar tabys etildi.
«Bul óte áserli sát boldy. Balalar shyn júrekten án aıtqan kezde tehnıkalyq jáne vokaldyq qabiletteri týraly oılanbaısyń. Bul tazalyq, keremet ertegi, olardyń sezimin sózben jetkizý múmkin emes! Olardan eresekter kóp nárse úırenýi kerek. Árıne, munda jeńilgender joq, bári de jeńimpaz, bári tamasha! Biz uzaq ýaqyt boıy úzdikti tańdaı almadyq», - dedi qazylar alqasynyń múshesi, ánshi, sazger Medeý Arynbaev.
Sondaı-aq búgin «Azıa daýysy» festıvali taqyrybyndaǵy balalar sýreti baıqaýynyń jeńimpazdary da júlde aldy. Qazylar alqasy «Qola qanatty» jezqazǵandyq Aıda Derbiske berdi. Kúmis qostanaılyq Kıra Lantýhqa buıyrdy. Ózindik oıy, qalamynyń qarymdylyǵymen kózge túsken Aısel Muqasheva «Altyn qanatty» jeńip aldy. Shyǵarmashylyq baıqaýǵa Qazaqstannyń barlyq óńirinen balalar 311 jumys jiberdi. Árıne, olar «Azıa daýysynyń» ne ekenin bilmeıdi.
Olar ańyzǵa aınalǵan baıqaý týraly ata-analarynan, ata-ájelerinen surap bilgen. Degenmen, usynylǵan jumystardyń deńgeıi tań qaldyrady. Balalar ártúrli ádisterdi qoldanǵan. Jumystar birneshe sanat, onyń ishinde túpki ıdeıa men shyǵarmashylyq oılaý boıynsha da baǵalandy. Baıqaýǵa 169 mektep, gımnazıa men lıseıden, sondaı-aq analary arqyly, ǵalamtordan baıqaý týraly óz betinshe bilgen balalar qatysty. Qazir Respýblıka saraıynyń foıesinde qoıylǵan bul týyndylar «Azıa daýysy» kezinde Almaty Gallery qabyrǵasynda qoıylady. Kórermender bul tańǵajaıyp kórmeni kórermenderdiń erteńge deıin tamashalaýyna múmkindigi bar.
