Almatylyq travmatologtar naýqastyń aıaǵyn 10 santımetrge uzartty, - dep habarlaıdy almaty-akshamy.kz.
Naýqas Ortalyq qalalyq klınıkalyq aýrýhanaǵa túsken. Onyń shaǵymy - jambas súıegi tusynyń aýyrsynýy, júrip-turýynyń qıyndaýy jáne bir aıaǵynyń 10 santımetrge qysqa bolýy. Ol keıingi 3 jylda ózdiginen júre almaı qalǵan.
"Biz qajet kólemdegi endoprotez aldyq jáne jambas býynynyń qalypty anatomıasyn qalpyna keltirý úshin ony ımplantasıaladyq. Ota barysynda jambas býyny zaqymdanǵanyn baıqadyq jáne aıaǵyn 10 santımetrge deıin uzarttyq. Ota sátti aıaqtaldy. Otadan keıin naýqas fızıoterapıa, emdik jattyǵý jáne ońaltý kýrstarynan ótti", - deıdi Dáýlet Chýkmanov.
Kúrdeli ota naýqastyń eki aıaǵyn teńestirýge kómektesti. Mamannyń sózine súıensek, aıaq súıekterin uzartý men jambas býyndaryn endoprotezdeý osyndaı kúrdeli dıagnoz qoıylǵan naýqastar úshin eń tıimdi emdeý ádisi sanalady.