Astana qalasy Memlekettik kirister departamenti janama salyqtardy ákimshilendirý basqarmasynyń QQS (qosylǵan qun salyǵy) aýdıt bóliminiń basshysy ustaldy.
Bul týraly Sybaılas jemqorlyqqa qarsy is-qımyl agenttiginde ótken brıfıńide aıtyldy.
«Sybaılas jemqorlyqqa qarsy qyzmet jasyryn is-sharalardyń nátıjeleri boıynsha aýyr jemqorlyq qylmys jasady degen kúdikpen Astana qalasy Memlekettik kirister departamenti janama salyqtardy ákimshilendirý basqarmasynyń QQS (qosylǵan qun salyǵy) aýdıt bóliminiń basshysyn ustady. Ol 36 mln teńge somasynda QQS qaıtarý boıynsha oń sheshim qabyldaǵany úshin kásipkerlik sýbektisinen 3,6 mln teńge somasynda para alǵan», - dedi Antıkordyń resmı ókili Danıar Bıgaıdarov agenttikte ótken baspasóz máslıhatynda.
Onyń aıtýynsha, tintý barysynda onyń úıinen 129,4 mln teńge tárkilenip, tekserilip jatyr.
«Kúdikti sottyń sanksıasymen kúdikti 2 aı merzimge qamaýǵa alyndy. Tergeý jalǵasýda», - dedi ol.