Qazaqstanda adam quqyqtaryn qorǵaý jáne penıtensıarlyq júıedegi túıtkildi máselelerdi sheshý baǵytynda mańyzdy bastamalar qolǵa alynýda.
Bastamalar qatarynda sottalǵandarǵa joǵary bilim alý múmkindigin berý, oblys ortalyqtarynda kópsalaly kolonıalar salý jáne ustaý jaǵdaılaryn jaqsartý úshin zańnamaǵa ózgerister engizý bar. Adam quqyqtary jónindegi ýákil Artýr Lastaev QR Qylmystyq kodeksine májbúrli nekege turý maqsatynda adam urlaǵany úshin arnaıy jaýapkershilik belgileýdi usyndy.
Sottalǵandardyń jaǵdaıyn jaqsartý maqsatynda kópsalaly kolonıalar salý máselesi de qarastyrylýda. Bul mekemeler ártúrli sanattaǵy sottalǵandardyń qajettilikterin eskerip, olardyń ómir súrý jaǵdaıyn jáne otbasymen baılanysyn jaqsartýǵa baǵyttalǵan.
Sondaı-aq, Ombýdsmen shetel azamattaryn ekstradısıalaý kezinde balama bultartpaý sharalaryn, onyń ishinde kepil qoldaný múmkindigin engizýdi usyndy. Bul bastamalar zań aldyndaǵy teńdikti qamtamasyz etýge baǵyttalǵan.